Samtök hagsmunaaðila að hagsmunasamtökum, stofnuð í kvöld

Bergmálað úr borunni #22

Nú í kvöld var haldinn stofnfundur Samtaka hagsmunaaðila að hagsmunasamtökum.

Um 80 manns sóttu fundinn. Á fundinum voru m.a. rædd álög Ríkisnorna á vöru- og steypubílstjóra. Eins og mönnum er enn í fersku minni lögðu Álaganornir ríkisins ohf þau álög á vöru- og steypubílstjóra, sl. haust, að þeim skyldu „eigi koma dúr á auga“ eins og það var orðað í álagayfirlýsingu Ríkisnorna.

Samkvæmt nýlegri evróputilskipun mega nornir nú leggja álög á nýju og hálfu tungli, sem og á fullu tungli, en ekki eingöngu á fullu tungli eins og áður tíðkaðist.

Stofnfundur samtakanna ályktaði um áskorun til ríkisstjórnarinnar og Alþingis, þess efnis að sótt verði um undantekningu frá þessu nýja ákvæði evrópsku nornalaganna.

Mikil öryggisgæsla var á fundinum og var ma. leitað á öllum er gengu í salinn. Allir hálmstrákústar voru bannaðir með öllu, sem og keilulaga höfuðföt.

Vel sóttur stofnfundur

Athugasemdir

[Brjánn Guðjónsson, 18.4.2008 kl. 00:45]

takk fyrir þetta Guðmundur. ég á reyndar oftar til að fjasa og tuða, en þessi vika hefur verið þemavika hjá mér. bergmálsblogg. að skrifa einungis um fréttir og endursegja þær. reyndar ætlaði ég í upphafi að hafa í frammi enn þurrara bergmál, en stóðst ekki mátið að blása í það smá lífi. ég held ég bergmáli framvegis í bland við fjasið, sem vitanlega er mitt aðalsmerki....vona ég. það er gaman að bergmála.