Þjóðfélagslegur súrrealismi

Menn tala um að Íslendingar hafi nægar stoðir að byggja á, s.s. álframleiðslu og sjávarútveg. Æði!! En hvað þegar menn fá ekki borgað fyrir fiskinn? Allt stíflað vegna gengis matadorpeninganna okkar og vegna vantrausts á íslenska bankakerfinu.  Jú, ok. Menn tóku á það ráð að framkvæma allar millifærslur gegn um Seðlabankann. Sniðugt. Samt er allt stíflað enn  Skyldi það vera vegna þess að útlendir treysti ekki Seðlabankanum betur en svo?

Menn funda. Funda og funda sem aldrei fyrr. Fermingardrengur mætir á blaðamannafund og segir að eitthvað verði ákveðið á næstu dögum.

Það er fjármálakreppa á bátnum. Við höfum fermingardreng, fiski-líffræðing og dýralækni um borð. Jú, líka einn hagfræðing, en hann virðist hafa gleymt öllu sem hann lærði í skóla. Svo höfum við löffa í Seðlabankanum.

Það er nefnilega þannig, að sama hvað maður lærir, ef maður tileinkar sér það ekki fennir fljótt yfir vitneskjuna.

Er ég bara svona súr, eða er þjóðfélagið svona súrt? Þetta er eins og súrrealískur draumur. Hann er þó ekki blautur þessi.

Ákvörðun á allra næstu dögum

Athugasemdir

[Thee, 18.10.2008 kl. 18:43]

Mér finnst fermingardrengurinn bera af í ríkisstjórninni. Og löffinn í Seðló hann veit hvað er í gangi, málið er að flestir eru ekki búnir að fatta það. Það væri þvílíkt óræði að hann yrði látin fara, þá fyrst kæmu vandræðin. Þú átt eftir að sjá þetta eftir smá tíma og þá kemur þú til með að dýrka hann í laumi.

[Brjánn Guðjónsson, 18.10.2008 kl. 18:47]

þú meinar þá að Hannes Hólmsteinn fengi ekki að bulla í sjónvarpi?

[Thee, 18.10.2008 kl. 19:40]

BRJÁNN, Hannes mælir lög. Skil ekki hvað fólk hefur á móti honum.

[Brjánn Guðjónsson, 18.10.2008 kl. 19:45]

ávaxtaskálar hans eru yndislegar

[Guðmundur Ásgeirsson, 18.10.2008 kl. 23:31]

Vér lifum nú eins og í skáldsögu eftir Kafka, myndskreyttri af Salvador Dali...

[Ívar Pálsson, 19.10.2008 kl. 10:34]

Brjánn, við útflytjendur fáum borgað fyrir fiskinn án vandræða. Málið er að flestir eru hræddir við að henda alvöru gjaldeyri inn í kolaofninn hér, þar sem meir að segja gjaldeyrisreikningar í okkar eigu fást ekki nýttir nema til að skipta í krónur á platgengi ríkisins. Á meðan bíða flestir útflytjendur eftir því að sjá hvaða afglöp fermingardrengurinn skrifar upp á í þögn sinni um staðreyndir hruns bankanna.

Mistök Davíðs voru stýrivaxtahækkanirnar sem fóðruðu vitleysuna, en nú stendur hann einn í baráttunni fyrir okkur öll, þar sem hann krefst þess að við borgum ekki ofurskuldir bankanna.