Stofnanir á Facebook

Nú eru hinar ýmsu stofnanir ríkis og sveitafélaga farnar að opna eigin Facebook síður. Í síðustu viku opnaði Slysavarðstofan síðu til leiðbeiningar fyrir þá sem eiga um sárt að binda.

Nú hefur Biskupsstóll ákveðið að gera slíkt hið sama og keppa þannig við Slysavarðstofuna.

Verkefnið er unnið í samvinnu við Himnaríki ehf og stendur til að veita alls kyns upplýsingar á síðunni, bjóða upp á bænasölu og margt fleira. Umfram allt að bjóða upp á sem flest er lyft getur andanum. Síðan hefur í því sambandi þegar sótt um leyfi til sölu bjórs. Fyrir hafði hún leyfi til sölu messuvína.

Hr. Karl Sigbjörnsson, stólsstjóri, segir marg fleira verða í boði með tíð og tíma. Því ætti fólk að fylgjast vel með og senda vinarboð.

Biskupinn kominn á facebook

Athugasemdir

[Jenný Anna Baldursdóttir, 3.3.2009 kl. 17:24]

Ofboðslega pirrandi þetta fyrirtækja- stofnanafargan á feisinu.

[Guðrún (IP-tala skráð) 3.3.2009 kl. 19:43]

í hverju liggur pirringurinn?  Þarft ekkert að fara á síðuna frekar en þú vilt, ef einum er hjálpað þá er það gott - annars skiptir það engu máli.  Plís hættið þessari neikvæðni!

[Reynir Jóhannesson, 3.3.2009 kl. 20:28]

Hið besta mál að fyrirtæki og stofnanir stofni facebook-síður. T.d. er hægt að fylgjast með vel utanríkisþjónustu Bandaríkjanna á Facebook... og svo eru þeir líka með blogg og á Twitter. Algjör snilld.

[Sigurður Þór Guðjónsson, 4.3.2009 kl. 09:00]

Hvað er neikvæði?

[Jóka (IP-tala skráð) 4.3.2009 kl. 10:32]

Þér finnst nú ekki leiðinlegt að fá Kallan á fésið og geta fylgst með hvað er að gerast þarna uppi í hæstu hæðum.  Fá Ésú fréttir beint í æð

[Brjánn Guðjónsson, 4.3.2009 kl. 14:54]

Sigurður. Hér er neikvæði:

Nei, er nokkuð sem helst ei vil
með nokkru móti segja.
Nei, er þó orðið sem ég gríp til
er mér er sagt að þegja.