Að

Ég verð að viðurkenna að það er fátt sem ég læt fara í taugarnar á mér. Oft þarf ég að hafa mig allan við að koma mér í fjasgírinn. Þó er eitt sem mér tekst, með lítilli fyrirhöfn, að láta fara í taugarnar á mér.

Lélegt málfar.

Það er eitt að tala/hlusta á fólk og annað að lesa skrif þess. Í töluðu máli kemur t.d. ekki fram munurinn á y og i, þótt annað komi þar fram, eins og að segja aðrari í stað annari.

Eitt er það sem ég tek eftir í bloggskrifum, en heyri sjaldan notað í töluðu máli, er þegar fólk er að nota að í tíma og ótíma. „þegar að hann sagði...“, „þegar að ég gerði“, og svo framvegis. Þetta stuðar mig. Aldeilis óþolandi.

Ok, allir geta gert einstaka ritvillur og svoleiðis, en kommon. Þegar maður les heilu bloggin, uppfull af óþarfa að hér og þar, svo ég tali ekki um röng y á víð og dreif. Þá á ég erfitt með að halda aftur af mér og lesa til enda.

 

Athugasemdir

[Gulli litli, 26.6.2008 kl. 20:15]

Mundu ad Þad er bara ad læra ad fyrirgefa Þeim sem eru ad skrifa of mikid ad.......

[Brjánn Guðjónsson, 26.6.2008 kl. 20:24]

ég fyrirgef heilshugar, en þó er erfitt að lesa svona blog

[Skattborgari, 26.6.2008 kl. 20:47]

Það er bara ý fýnu lagy að vera með nokkrar stafsétninga vyllur. Lésá bára framhja þeym. Aðilar eu mis flinkir að skrifa.

[Brjánn Guðjónsson, 26.6.2008 kl. 20:52]

rétt skattborgari. fólk er mis flinkt að skrifa, en að setja að út um allt hefur ekkert með stafsetningu að gera, heldur málfræði

[Már Högnason (IP-tala skráð) 26.6.2008 kl. 21:27]

Fer lélegt málfar í taugarnar á þér?

"Kommon."

[Brjánn Fransson, 26.6.2008 kl. 21:34]

"Ég verð að viðurkenna að það er fátt sem ég læt fara í taugarnar á mér. Oft þarf ég að hafa mig allan við að koma mér í fjasgírinn. Þó er eitt sem mér tekst, með lítilli fyrirhöfn, að láta fara í taugarnar á mér." - Það ku vera 5 að í þessari málsgrein. Annars er ég líklega að misskilja þennan nafnháttarmerkja notkunarpirring.

[Brjánn Guðjónsson, 26.6.2008 kl. 21:46]

nafni. að er ekki slæmt per se. ef þú sérð ekki muninn á að segja 'að hafa' og 'þegar að' ættirðu að halda kjafti og halda þér við rjómaísinn

[Brjánn Guðjónsson, 26.6.2008 kl. 21:47]

halda þig, átti það að vera

[Brjánn Guðjónsson, 26.6.2008 kl. 21:50]

að fylgir sagnorðum, remebmer.

að viðurkenna, að hafa, að láta.

dummy

[Skattborgari, 26.6.2008 kl. 23:11]

Þú ættir kannski bara að leiðrétta fólk þegar það gerir villu í stafsetningu og benda á þær verstu.

[Brjánn Guðjónsson, 26.6.2008 kl. 23:13]

nei, það held ég ekki

[Skattborgari, 26.6.2008 kl. 23:33]

Skil það vel bendi stundum á ef ég sé einhverja virkilega fyndna.

[H.T. Bjarnason (IP-tala skráð) 27.6.2008 kl. 00:03]

Hræðilegt er að heyra fólk ofnota orðið "síðan".  Dæmi: Ég vann hjá þessu fyrirtæki fyrir tveimur árum síðan.

[Brjánn Guðjónsson, 27.6.2008 kl. 00:08]

true

[alva (IP-tala skráð) 27.6.2008 kl. 00:19]

Jég er sþko eyginliga alveg hjartarlega sammála þjer

[moi101 (IP-tala skráð) 27.6.2008 kl. 01:58]

Lifi leiðYndin...

[Tiger, 27.6.2008 kl. 03:13]

 Veistu Boxari góður - ég deili með þér þessum pirring. Mér finnst óendanlega leiðinlegt þegar ég les blogg eða eitthvað annað - sem inniheldur heilmikið af villum - bæði stafsett og málfar þarf að vera gott til að halda manni við lesturinn. Knús og kram í loftið til þín ljúfi kappi, eigðu ljúfa nótt og frábæra helgi framundan.

[Anna Einarsdóttir, 27.6.2008 kl. 10:32]

Mér finnst eiginlega verra þegar fréttirnar eru uppfullar af villum.

Fór af handahófi inn á eina frétt og þar stóð;  "Braust inn í hraðfiskvinnsluhús og stal harðfiski".  En kannski eru þeir að flýta sér við fiskvinnsluna ? 

http://mbl.is/mm/frettir/innlent/2008/06/26/skilordsbundid_fangelsi_fyrir_ad_stela_hardfiski/

[Brjánn Guðjónsson, 27.6.2008 kl. 10:46]

nema villan sé í síðara orðinu „Braust inn í hraðfiskvinnsluhús og stal harðfiski“

kannski á það að vera „Braust inn í hraðfiskvinnsluhús og stal hraðfiski“

[Steini Tuð (IP-tala skráð) 27.6.2008 kl. 15:16]

ég þoli ekki þegar fólk setur út á stafsetninga villur hjá mér, ég er lesblindur og skelfilega hljóðviltur. Og að eiga vin eins þig Brjánn sem að hefur aldrei fengið undir 10 í stafsetningu, er skelfilegt fyrir mann eins og mig sem fékk oft 0 í stafsetningu, ég mæli svo firir (fyrir) að ufsilon (y) verði fellt úr íslensku, þessi stafur er jafn mikil óþarfi og setan (Z) var.  Asnalegt að kunna dönsku til þess að geta skrifað okkar tungumál rétt, og svo eru undantekningar og eitthvað álíka rugl. sama hvað hver segir þessi stafur er ÓÞARFI!!

[Brjánn Guðjónsson, 27.6.2008 kl. 15:41]

rétt hjá þér Steini minn, en kannski er þetta líka spurning um fagurfræði.

ég meina...pældíði hvað yfir lítur asnalegu út, skrifað með einföldu i, ifir.

[Brjánn Guðjónsson, 27.6.2008 kl. 15:44]

en annars finnst mér mun verra að sjá y þar sem á að vera i, heldur en öfugt.

regla númer eitt. sé maður í vafa um hvort skuli nota i eða y, skaltu nota i.

þó finnst mér málfræðivillur leiðigjarnari en stafsetningavillur.

[Steini Tuð (IP-tala skráð) 27.6.2008 kl. 17:04]

Já Brjánn, en  Sverrir Hermansson sagði það sama með setuna, að verzlun mundi líta asnalega út sem verslun eins og við skrifum það í dag, ufsilon hafði tilgang þegar við bárum það fram sérstaklega, en við gerum það ekki í dag.   en ég er sammála þér með málfræðivillurnar.  enda var það málfræðin sem að hjálpaði uppá einkunirnar hjá mér í íslensku,  samt á ég það til eins og aðrir að tala ekki 100% rétt og jafnvel beigja vitlaut. 

ég er og var tossi (lesblindur) heheheheh

[Brjánn Guðjónsson, 27.6.2008 kl. 19:07]

Zverrir Zorglúbb