Hver eru tengsl útgáfuréttar og áleggs?

Spyr sá er ekki veit.

Viðtengd rétt fjallar um þras vegna útgáfuréttar á lagi og meintum stuldi á flautustefi einhvers skátaforingja.

Svo endar fréttin á bráðnauðsynlegum upplýsingum um ástralska áleggið vegemite og vitnað í söngtexta. Hvernig það tengist efni fréttarinnar, um uppruna og útgáfurétt, að öðru leiti er mér hulin ráðgáta.

Nær hefði verið að upplýsa mörlandann um hvort hið ástralska vegemite líkist breska viðbjóðnum mermite?

Stolin stef í Ástralíu

Athugasemdir

[Ólafur Björn Ólafsson, 30.7.2009 kl. 16:29]

Fletti báðum lögum upp á youtube en fann ekki þetta flautustef.

Heyrði hinsvegar áleggið nefnt og er engu nær um hvað það kemur fréttinni við...

Kveðja

Kaldi

[Kristín M. Jóhannsdóttir, 30.7.2009 kl. 17:20]

Ég er sammála, þetta er mjög undarlega skrifuð frétt. Það er eins og blaðamanni hafi fundist hún of stutt og ákveðið að segja meira um lagið.

Og já, vegemite er mjög svipað marmite. Og ég myndi aldrei kalla það álegg þar sem það er líkara smjöri. Smjör er ekki álegg, er það? Fyrir mér er alla vega  munur á því hvort eitthvað er 'lagt á' brauðið, svo sem skinka eða hangikjöt, eða hvort því er smurt á, eins og smjör eða vegemite.

[Brjánn Guðjónsson, 31.7.2009 kl. 02:53]

í minni sveit var smér gjarnan kallað viðbit. álegg er svo eitthvað sem laggt er ofan á. ss. ostur, skinka, agúrka, egg, ...

mermite minnir á hnetusmjör í sjón. en bragðið.....bjakk