Smáauglýsingar

Kjötketill fæst gefins

Lítið notaður kjötketill fæst gefins. Hann hefur einungis verið notaður tvisvar, af fyrrum stjórnmálamanni og útrásarvíkingi, við samsuðu tilhæfulausra reikninga og þjófnaði úr sameiginlegum sjóðum almennings. Að öðru leiti hefur hann staðið ónotaður síðan í maí 2007.

Ketilinn er í góðu ásigkomulagi. Tveir loðfóðraðir stólar fylgja.

Áhugasamir hafi samband við skrifstofu Alþingis.

PS.
Lítið reykt bakherbergi fást á sama stað.

Athugasemdir

[Eygló, 6.11.2009 kl. 00:19]

Púkinn þinn (skemmtilegur púki þó).
Segðu mér, alllengi hefur maður heyrt þetta að e-r hafi setið við kjötkatlana o.s.frv.  Maður skilur náttúrlega hvað átt er við, en.... HVAÐ ER KJÖTKETILL?

[Anna Einarsdóttir, 6.11.2009 kl. 11:10]

Millistéttin situr við kjötketilinn.  Á ekki fyrir mörgum kjötkötlum. 

[Brjánn Guðjónsson, 6.11.2009 kl. 14:34]

minn skilningur er þessi. kjötketill er pottur sem í er soðið kjöt

[Eygló, 6.11.2009 kl. 16:55]

Ætli þetta séu þá bara kaldir og svangir sem vilja sitja að þeim?

[Brjánn Guðjónsson, 6.11.2009 kl. 17:24]

neiþ þeir köldu og svöngu myndu einungis fá sér bara smá bita þegar hungrið sverfur að og hverfa svo frá til að hleypa fleirum að, en hinir gráðugu sitja sem fastast við katlana og halda öðrum frá þeim.

[Eygló, 6.11.2009 kl. 18:01]

Hvort sem þú ert að grínast eða þetta sé rétta skýringin, - þá finnst mér þetta góð mynd og lýsing á "þessum andskotum"

[Brjánn Guðjónsson, 7.11.2009 kl. 00:45]

ég er alls ekki að grínast. svona eru hinir gírugu.