Fjas

Þriðjudagur, 2. febrúar 2010

Skjaldborgarfargan

Ég er svo til hættur að nenna að blogga. Nennuleysið hefur minnst með Hádegismóann að gera, heldur helst hve þjóðmálaumræðan er hefur verið svo súr lengi og súrnar með degi hverjum. Sagði við vinnufélaga minn í dag að best væri að fara í frí til BNA og fá ná sér í eðal ignorance. Hætta að hugsa um þetta eilífa karp.

Ormagryfjan opnast meira með hverjum degi og spillingin útrásarvíkinga og bankamanna orðin svo æpandi.

Annars heyrði ég í Spegli kvöldsins, af viðbrögðum ráðamanna við þeirri staðreynd að mikill meirihluti þeirra sem hafa þurft að nýta sér „úrræði“ ríkisstjórnarinnar, telja þau ekki virka.

Man ekki hvort það var sjálf Jóhanna af Örk, eða einhver annar, sem var svo obboðslega hissa á því. Eftir öll töfrabrögð Árna Páls og Joðhönnu. Botna bara ekki neitt í neinu.

Snillingarnir fatta ekki þá einföldu staðreynd að fólk krefst réttlætis. Jú, kannski barbabrellur Árna Páls lækki greiðslubyrði. Hins vegar lækka þær ekki skuldirnar. Bara fresta málum. Fólk er ósátt að þurfa að sitja uppi með auknar, stökkbreyttar skuldir.

Einfaldasti tréhaus ætti að sjá það.

Greinilega eru einhverjir með massívari höfuð en það, að þeir telja að allt verði í gúddí bara við að lengja í snörunni. Ekki að koma til móts við réttlætiskröfurnar, heldur að strjúka rassa látveitenda og beita barbabrellum til að telja fólki trú um að það sé verið að gera eitthvað fyrir það.

Fólk er hins vegar ekki fífl og sér í gegn um vitleysuna.

En út í allt annað.

Vinur minn benti mér á þessa snilldarklippu. Vel til þess fallin að verða sér út um hinn besta hroll.

Ég er ekki frá því að hljómborðsleikarinn minni eilítið á íslenskan tónlistarmann, svona í útliti Wink

Flokkur: Dægurmál | Facebook

Athugasemdir

Skjaldborg - verður sennilega eitt hinum eftirmynnilegri öfugnefnum.

Kv.

Einar Björn Bjarnason, 2.2.2010 kl. 20:44

Bara blogga um eitthvað jákvætt,,held það sé erfitt að fá leið á því og taka dill á það á meðan eins og maðurinn í vidjóinu gerir. Ef þú lendir í vandræðum með að dilla þér þá er ráð að setja tíkall milli tánna skulum við segja, og reyna svo að gyrða hann upp þangað sem sólin skín ekki, án þess að nota hendurnar

Ásdís Björg Jakobsdóttir, 2.2.2010 kl. 22:15

byrjaði sem eðal þýsk klámmynd. svo bara kom ekkert klám. bara pervertalegi hljómborðsleikarinn Sverbert von Stürmskehr. ég orðinn sybbalingur og ætla að lúlla mér.

Brjánn Guðjónsson, 2.2.2010 kl. 22:49

Ég mæli með fréttabanni!!! - Fer í slíkt reglulega!!

Frk. Laxmýr (IP-tala skráð) 3.2.2010 kl. 00:32

Ja hérna - þ.e. eins og að ganga blindur fram af hengiflugi.

Kv.

Einar Björn Bjarnason, 3.2.2010 kl. 00:54

Það ætti að vera fullfært um að toga í spottann á fallhlífinni eins og annað fólk.

Með von um að ganga ekki fram af neinum.

*peace*

Ásdís Björg Jakobsdóttir, 3.2.2010 kl. 03:03

Er það ekki kjarni (vanda)málsins, að "fatta ekki þá einföldu staðreynd að fólk krefst réttlætis"? Held að þessi setning hitti einmitt beint á það.

Haraldur Hansson, 3.2.2010 kl. 13:08

Ætli þetta sé frá því að hann var ungur eða frá Tælandstímabili skáldsins?

Eygló, 4.2.2010 kl. 01:52

lagið er komið í ipodinn minn nú þegar. Stuð að eilífu bara og Brjánn ég veit að þú fílar dansmeyjarnar geðgóðu, þetta eru þínar týpur gætu verið þýskar meira að segja. Að vísu finnst mér vanta asískar geitur þarna inn til að toppa þetta. Finndu nú e-ð gott asískt popp og láttu það rata hingað inn ;)

Jóka eðalgeit

Jóka (IP-tala skráð) 4.2.2010 kl. 10:33