Tilkynningar og greiðslugjald

Minnstist á greiðslugjöld áður.

Nú innheimtir ríkisbatteríið Íbúðalánasjóður seðilgjöld, þrátt fyrir bann.

Apparatið kallar það víst tilkynningar og greiðslugjald. sumsé gjald fyrir að tilkynna um greiðslu afborgunar. öööhhh ég veit hvenær ég á að borga, en fyrir hvað stendur greiðslugjaldið? Á maður að borga fyrir að fá að greiða? Hvurslags endemis kjaftæði er þetta?

Svo eru Joð og Árni Páll bara að bora í nefið, í stað þess að sjá til þess að eigin stofnanir fari að lögum. Er ekki kominn tími til að einhver fari að sinna starfi sínu? Ég yrði rekinn fyrir minna.

Athugasemdir

[Finnur Bárðarson, 20.2.2010 kl. 18:12]

Maður fer nú að missa trúa á allt og alla. Sjálfur er maður að reyna sinna sínu starfi af kostgæfni vegna þess að það er ánægjulegt og þess er einfaldlega krafist. Önnur lögmál gilda annars staðar.

[Hildur Helga Sigurðardóttir, 21.2.2010 kl. 15:01]

Skyldi vera til sérstök nafnanefnd -einhvers staðar djúpt í undirheimum kerfisins- sem hefur þann starfa að finna ný heiti yfir gamlar gjaldtökur, sem eiga að vera bannaðar ?

Er einmitt að fá alls kyns bréf með óskum, kröfum og hótunum um ófrjáls framlög, undir óskiljanlegum nöfnum.