Snilldarlegur leiðarvísir umboðsmanns skuldara

Á vef umboðsmanns skuldara er að finna leiðavísi vegna greiðsluerfiðleika. Þar er spurt hvort maður geti greitt alla reikninga sína í hverjum mánuði og svarmöguleikarnir eru tveir. Nei og já.

 

Sé maður í basli og velji nei, fylgja aðrar spurningar á eftir. Sé maður hins vegar í góðum málum og velji já, þá birtist þessi gluggi:

Þetta er hrein snilld!

 

Ég legg til að SÁA setji samskonar könnun á sinn vef. Spurningin gæti verið eitthvað á þessa leið:

„Kemur fyrir að þú neytir áfengis eða annara vímugjafa?“

Svarmöguleikarnir, já og nei.
Velji maður já, fylgi ítarlegri spurningar í kjölfarið. Velji maður nei, birtist textinn:

„Miðað við upplýsingarnar sem þú settir inn getur hentað þér að fá áfengis- og vímuefnaráðgjöf.“

 

Athugasemdir

[Jóka (IP-tala skráð) 27.11.2010 kl. 23:20]

SÁÁ eru með sp.lista.  Ég persónulega tel mig ekki þurfa ráðgjöf hjá SÁÁ en eftir að hafa svarað sp. listanum hjá þeim þá er ég í bullandi neyslu og vandræðum

[Brjánn Guðjónsson, 2.12.2010 kl. 20:03]

já, listinn þeirra er þannig að ef eitthvert atriðið er ekki í samræmi við fullkomleikann, ertu í áhættuhóp

[Jóka (IP-tala skráð) 4.12.2010 kl. 20:43]

já bara það eitt að mér þyki rass góður og geti drukkið minnir mig eina léttvínsflösku án þess að deyja áfengisdauða þá þarf ég innlögn og aðstoð.  Guð blessi rassinn :)