Einföld lausn stóra-auglýsingamálsins

það er til einföld lausn við að fela auglýsinguna margumtöluðu, sem og annað 'content' í vefsíðum. Til þess þarf hvorki að dánlóda einhverjum tólum eða fara með töfraþulur.

Útlit síðanna er skilgreint í svokölluðum stílsíðum (css skrám). Auðveldlega má skilgreina sína eigin stílsíðu sem breytir sjálfgefinni hegðan þeirra vefsíða sem maður skoðar.

Eftir stutta og einfalda rannsókn, með að skoða kóða blogsíðanna, bjó ég mér til einfalda stílsíðu sem ég skilgreindi síðan í vafranum mínum. Með þessari litlu stílsíðu minni losna ég við umrædda auglýsingu inni á bloggi hvers bloggara. Annarsstaðar er hún birt, sem og allar aðrar auglýsingar og efni. Það var líka tilgangurinn, að losna einungis við hana af persónulegum bloggsíðum.

Trixið er þetta:

Búa til css skrá (t.d. blog.css) og setja þessar línur í hana:

#system-right-ad { display: none !important; }
#system-right #right-ad { display: none !important; }

Reyndar er nóg að setja aðeins aðra hvora línuna en allur er varinn góður, sagði nunnan. Skráin er síðan vistuð á disknum.

Í Internet Explorer þarf síðan að fara í 'Tools'->'Internet Options' og smella á 'Accessibility' hnappinn, neðst. Í glugganum sem þá opnast skal haka við 'User style sheet' og setja slóðina á skrána í textasvæðið fyrir neðan. Loka svo með 'OK' og VOILA!!

 

Lifi byltingin!

Athugasemdir

[Heiða B. Heiðars, 11.2.2008 kl. 12:07]

Já en... er þetta ekki soldið sona eins og að stinga hausnum í sandinn? Það sjá allir auglýsinguna sem koma inn á síðuna þína og eru ekki búnir að aðlaga stillinguna?

Sem sagt.. mér liði ennþá eins og ég væri í flíspeysu sem væri merkt út um allt einhverju fyrirtæki

[Brjánn Guðjónsson, 11.2.2008 kl. 12:48]

það er reyndar alveg rétt, en ef allir í kring um þig bæru sólgleraugu kæmi það síður að sök

annars er þetta aðallega þá sem eru einungis að láta auglýsinguna pirra sig