Plástrar

Er þetta ekki dæmigert?

"En við höfum einfaldlega ekki haft meiri peninga. Ég er algjörlega samfærður um að við eigum að reyna að lyfta undir þennan búskap."

Líklega sannfærður, frekar en samfærður.

En án gríns... 

Þótt ekki segi Haraldur það beint, er þó erfitt að skilja ofangreinda setningu á annan veg en að bændur þurfi meiri pening (frá ríkinu væntanlega?) eigi þeir að fást út í lífræna næktun.

Hvernig væri að lesa fréttina yfir aftur....og kannski einu sinni enn. Taka síðan smá greiningu á þessu.

Fréttin hefst á þessum orðum Haralds: "Íslenskir bændur bíða ekki í röðum eftir að geta hafið lífrænan búskap."

og endar á þessum orðum sama manns: "Ég er algjörlega samfærður um að við eigum að reyna að lyfta undir þennan búskap. Mín tilfinning er sú að markaðurinn kalli eftir því."

Staðan er sem sagt sú að þótt markaðurinn kalli eftir íslenskri lífrænni ræktun, eru bændur lítið spenntir fyrir því, eða eins og Haraldur orðar það: Íslenskir bændur bíða ekki í röðum eftir að geta hafið lífrænan búskap."

Hvers vegna ekki? Jú, ekki nægur fjárhagslegur hvati. Mikið rétt. Er lausnin þá sú að fara út í niðurgreiðslur? Hví er ekki fjárhagslegur hvati ef vöntun er á markaðinum?

Haraldur svaraði spurningunni sjálfur, í annarri málsgrein fréttarinnar. Hann virðist bara ekki hafa fattað það. Hann sagði: "Ekki er nægur fjárhagslegur hvati til að fara út í slíkt hér á landi miðað við núgildandi reglur."

Bingó!! Miðað við núgildandi reglur

Er þá ekki réttara að lagfæra regluverkið frekar en að plástra kerfið sífellt meira með vafasömum niðurgreiðslum, hér og þar?

Vantar peninga til að ýta undir lífrænan búskap

Athugasemdir

[moi101 (IP-tala skráð) 12.3.2008 kl. 23:11]

Bóndarnir tyrfta.. þeir gráta náttúruleg bara út af verðlaginu á Range Rover þessa dagana,

svo vilja þeir líka fá litað bensín á vélsleðana sína.... sem nátturulega hver maður sér að eru hrein mannréttindi...

lifi leiðindin!

[Steini tuð (IP-tala skráð) 13.3.2008 kl. 11:16]

Humm ég verð bara að seiga smá um þetta sem uppgjafa bóndadurgur.

Það kostar slatta að fara út í þetta fyrir bændur, jú þeir fá kanski aðeins meira fyrir kjötið, en það er enganveginn upp í þann kostnað sem að því fylgir að fara út í þetta, nenni ekki að fara að telja það allt upp sem að bændur þurfa að gera og breyta hjá sér.  Bóndin fær sára litla hækun á kjötini, en milliliðirnir fá slatta, því að þeir græða á því að selja lífrænt kjöt.