Ég mun berjast!

Stulli Jóns, göngugarpur og meðlimur Sandskötunnar, Samtaka hagsmunaaðila að hagsmunasamtökum, lauk ferð sinni frá Kringlunni niður í bæ mun fyrr en menn áttu von á. Við Rauðarárstíg stoppaði bifreið hvers ökumaður bauð Stulla far í bæinn.

„Úff! Mikið var ég feginn. Ég er henni Ragnhildi óendanlega þakklátur fyrir farið“ sagði Stulli í samtali við Bergmálstíðindi fyrir stundu. „Þetta lið sem elti mig var að gera mig geggjaðan, með endalausu flauti og söngli“ bætti Stulli við.

Stulli segist þegar hafa haft sambandi við Vegagerðina og þeir hafi staðfest skrefafjöldann frá Lönguhlíð að Rauðarárstíg. „Nú þarf ég bara að rölta restina við tækifæri til að vita heildarskrefafjöldann.“

Þegar ljóst var að hann fengi far í bæinn ákvað Stulli að gefa bensínstöðina við umferðarmiðstöðina upp á bátinn og kaupa heldur olíu niðri í bæ. Hinsvegar kom í ljós að bensínstöðin við Lækjartorg hafði verið rifin fyrir nokkru síðan. „Alveg týpískt! Svínarí! Ég mun berjast fyrir fleiri bensínstöðvum og sjálfsölum sem taka fimmhundruðkalla!“ kallaði Stulli yfir fjöldann á Austurvelli.

Sturla: Ég berst fyrir ykkur

Athugasemdir

[Bæring (IP-tala skráð) 27.4.2008 kl. 17:57]

ég var svona að spá. er búið að fynna manninn sem stal bílnum hans?

[Brjánn Guðjónsson, 27.4.2008 kl. 19:07]

bíllinn stendur, olíulaus, við Kringluna eins og kemur fram í fyrstu færslunni af þrautagöngu Stulla

[Tiger, 27.4.2008 kl. 19:10]

  Ég held ég gangi heim held ég labbiii heimmmmm...

Eins gott að hann fékk far restina - enda ekki gott ef menn virða ekki heldur hvíldartíma göngugarpafélagsins. Gott ef gönguhópur Hrafnistu hafi ekki verið í samúðargöngu í dag - í kringum elliheimilið. Lifi ógöngurnar...

[Brjánn Guðjónsson, 27.4.2008 kl. 19:32]

haha, já segðu. ekki má forsmá hvíldartímareglurnar