Gardínuglæpasaga

Fyrr í vetur keypti ég mér nokkrar gardínur fyrir Z brautir. Þetta voru tvennskonar gardínur; 4 stk ca 120 x 200 cm og 2 stk. ca 150 x 200 cm. Þær fékk ég tilbúnar, í Rúmfatalagernum og greiddi ég rúmlega sjö þúsund kall fyrir þær. Man ekki hvort sturtuhengið var inni í því verði eða ekki.

Fyrir stuttu fór ég svo, ásamt krökkunum mínum, að finna nýjar gardínur í herbergin þeirra. Við fórum í IKEA og tvær verslanir Rúmfatalagersins, en hvergi voru til gardínur fyrir Z brautir. Því varð úr að ákveðið var að leita í gardínubúð hér í borg og velja efni og láta útbúa gardínurnar. Um er að ræða 4 stk. 187 x 180 cm gardínur, en úr sínu hvoru efninu (2 og 2). Ég var búinn að fara með stráknum, um daginn, að velja efni fyrir hann. Í dag fórum við dóttirin síðan að velja efni fyrir hana og panta síðan gardínurnar.

Eftir að hafa tilkynnt afgreiðsludömunni efnisvalið og málin lagðist hún í reiknivélina og reiknaði feiknarinnar býsn. Síðan tílkynnti hún okkur verðið...

FJÖRUTÍU OG ÞRJÚ ÞÚSUND KALL! eða til að hafa það nákvæmt, 43.006 krónur!

Ég verð ósjaldan kjaftstopp, en þarna var ég það. Fjörutíuofþrjúþúsundfokkingkall og ekki eins þetta sé sérinnflutt silki. Ef ekki hefði verið nema vegna þess þetta var handa krökkunum og þau búin að velja efnið og allt, hefði ég þakkað pent og farið. Ég kyngdi hinsvegar blóðinu eftir kjaftshöggið og borgaði.

Þá spurði ég hvenær gardínurnar yrðu tilbúnar. Átti von á að það yrði í vikunni næstu. Eitthvað væri ég nú að borga fyrir.

Eftir þrjár vikur.

Say what?!!!

Það er nú ekki eins og gardínusaumur sé sá flóknasti í heimi, eða hvað?

Þetta er í síðasta skipti sem ég læt sauma fyrir mig gardínur.

Virðisaukaskatturinn af þessum gardínum er hærri en verðið sem ég borgaði fyrir Rómfógardínurnar.

Athugasemdir

[Tiger, 9.5.2008 kl. 23:40]

   Usss.. boxari góður. Þú átt aldrei að verzla við þessar blessuðu sérbúðir. Þar viðgengst hið versta sjóræningjaplotterí. Þú hefðir bara átt að kaupa þér efni og gera tilraun til útsauma sjálfur, það hefði verið miklu skemmtilegra fyrir börnin að segja "pabbi skemmdi þetta" heldur en að láta ræna sig svona sko ... eða þannig. En satt, rippoff í sérverslunum er geggjun. Vona samt að þú eigir ljúfa helgi minn blanki boxer.. ;)

[Brjánn Guðjónsson, 9.5.2008 kl. 23:48]

held ég geri það næst, að setjast við sauma, frekar en að láta ræna mig svona um hábjartan dag

[Jónína Dúadóttir, 10.5.2008 kl. 06:07]

Vá ! Þær mega þá vera agalega flottar og svakalega vel saumaðar

[Lára Hanna Einarsdóttir, 10.5.2008 kl. 13:49]

Líklega hefði verið ódýrara að kaupa nýjar gardínustangir og kaupa svo gardínur í Ikea eða Rúmfatalagernum. 

[Brjánn Guðjónsson, 10.5.2008 kl. 16:05]

það er rétt Lára Hanna

[Jóna Kolbrún Garðarsdóttir, 11.5.2008 kl. 01:48]

Ég keypti mér ógeðslega flottar gardínur í Góða hirðinum 6 lengjur tilbúnar með svona z brautar rúllum á.  Það kostaði heilar 1500 krónur.  Nýhreinsaðar og flottar gardínur

[Brjánn Guðjónsson, 11.5.2008 kl. 03:41]

svei þér Jóna Kolbrún, að segja mér þetta