Júrójúró

Kýpverjar stóðu fastir á sinni menningarlegu arfleifð og grískum tengslum og fluttu Zorbadansinn. Fluttum af einni foxy konu og fimm bankamönnum.

Makedónar flutti sitt lag, 'Let me love you (Let's go, kiss my sole)'. Þóttu þeir ná vel að kynna makedónska axlabandaframleiðslu, sem þykir vera ein sú besta í heiminum. Lagið var flutt í tóntegundinni Þ#.

Portúgalar fóru nýstárlega leið þetta árið. Mussuleiðina. Þau fluttu portúgölsku útgáfuna af hinu gamalþekkta lag 'Crusify'.

Bergmálstíðindi vilja minna á að fleiri fréttir munu berast, strax eftir alþjóðlegt pissuhlé.

 

Athugasemdir

[Lára Hanna Einarsdóttir, 22.5.2008 kl. 20:29]

Jahá... það fer auðvitað eftir því hve mikið bert hold sást hjá foxy konunni kýpversku hve langt lagið nær í keppninni. Því naktari kona, því öruggara verður lagið áfram. Lag og texti aukaatriði að venju. Bankamennirnir ættu að tryggja fjárstuðning.

Athyglisverðar upplýsingar að í Makedóníu elskist fólk með skósólum... nú eða flatfiskum... eða flatbotna skóm.

Ég vil benda á að mussur eru sígildar, einkum meðal þéttvaxinna kvenna.

[Brjánn Guðjónsson, 22.5.2008 kl. 20:40]

enda fóru portúgalir þá nýstárlegu leið að velja söngkonu sem getur sungið, óháð mittismáli