Úrslit kunngjörð

Fyrir stundu lauk Evrópsku söngvakeppninni. Sigurvegarinn þetta árið er hinn góðkunni Enrique Iglesias. Britney Spears hafnaði í þriðja sæti.

Íslendingar mega vel við una að hafa náð fjórtánda sæti, eftir að hafa ekki náð neinu sæti um nokkurt skeið og ennfremur í ljósi þess að keppnin er að stórum hluta nágrannakosning. Eins og allir vita er Ísland eyja sem á í raun aðeins tvo nágranna, Grænland og Færeyjar.

Athugasemdir

[Jón Steinar Ragnarsson, 24.5.2008 kl. 22:42]

Mér skilst að Enrique hafi sungið gamlann slagara eftir Cat Stevens og gert það svona líka vel.

Það er engin hætta á öðru en að hin slavnesku ríki vinni þetta hér eftir, en það er svosem leyfilegt fyrir aðra að láta sig dreyma.

[Brjánn Guðjónsson, 24.5.2008 kl. 23:11]

gott er að dreyma og svo er afneitunin alltaf yndisleg.

még fannst áberandi í þessari keppni hve mörg gömul lög voru dregin fram að nýju og endurflutt.

[Lára Hanna Einarsdóttir, 24.5.2008 kl. 23:31]

Þetta var Wild World eftir Cat Stevens í rússneskri loðkápu.

Brjánn... er ekki alltaf verið að hamra á því að allt eigi að endurvinna? Hlýtur það ekki að eiga við tónlist líka? Maður hefði haldið það. 

[Brjánn Guðjónsson, 24.5.2008 kl. 23:48]

vissulega, en á landsmót uppfinningamanna þýðir ekki að mæta með gamlar og úreltar uppfinningar.

[Emil Hannes Valgeirsson, 25.5.2008 kl. 00:01]

Þarna kom það, Cat Stevens auðvitað. Var að reyna að muna það. Eigum við ekki eitthvað gamalt með Gylfa Ægissyni sem mætti endurnýta?