Dæmd fyrir tilraun til fjársvika

Ólöf Engilberts, bóndi að Vinstra-Horni í Landeyjum, var í dag dæmd í 35 daga stofufangelsi fyrir tilraun til fjársvika. Héraðsdómur suðurlands úrskurðaði.

Forsaga málsin er sú, að sveitungar Ólafar hafa nú í vor tekið eftir að fjármarki fjár þeirra hefur verið breytt á þann hátt að nú beri það mark Ólafar. Einnig hafa fundist geldar og magrar elliær Ólafar þar sem marki þeirra hefur verið breytt á þann hátt að svo sýnist sem þær séu í eigu annarra en hennar sjálfrar.

Ólöf játaði brot sín skýlaust og gaf þær skýringar á verknaðinum að vegna gífurlegra verðhækkana á fóðri hafi hún ekki haft efni á að fóðra fé sitt sem skyldi í vetur.

Dæmd fyrir tilraun til fjársvika

Athugasemdir

[Lára Hanna Einarsdóttir, 30.6.2008 kl. 14:40]

Jahá, það er ekki sama fé og fé nema fé sé!

[Gulli litli, 30.6.2008 kl. 15:36]

Tvístíft aftan hægra og gagnbitað vinstra...

[101moi (IP-tala skráð) 30.6.2008 kl. 22:14]

Tja... var ekki kallinn hennar dæmdur fyrir fjárdrátt...:P

hann var víst fyrir eitt og annað af sínu sauðahúsi...

þetta er að breytast í stóra fjármálið...

[Tiger, 1.7.2008 kl. 02:50]

 Jamm sko - þegar beljurnar rata ekki lengur á básinn sinn - Næsta víst er að dýr hefur þessi fjárdráttur verið. það er alltaf einhver sem hefur áhuga á fé annarra, flestir láta þó féð í friði - á meðan aðrir draga féð í hús - sitt eigið hús.

Knús á þig kæri boxari og hafðu ljúfa viku framundan, alltaf gaman að kíkja á  þig skottið mitt ...