Hugleiðing um ástina

Það var á þessum degi, 1. júlí, fyrir fáum árum að ég varð þeirrar gæfu að njótandi að kynnast ástinni. Oft hafði ég áður kynnst hrifningu, spennu, losta og hvaða nöfnum það kallast. Oft velti ég fyrir mér hvort það væri ást. Hvort ég væri ástfanginn eða ekki. Ég var aldrei viss. Það var ekki fyrr en ástin barði að dyrum sem ég gerði mér grein fyrir að það sem ég hafði upplifað áður var ekki ást. Ég vissi það þegar það loksins gerðist.

Tilfinningarnar sem ég upplifði voru vitanlega gífurleg hrifning/spenna/losti, en einnig óendanleg væntumþykja. Eins að þrátt fyrir að ég þekkti þessa konu lítið sem ekkert í upphafi, fannst mér eins og og hefði þekkt hana alla tíð og þótt við ættum fá sameiginleg áhugamál var einhver einstakur samhljómur milli okkar. Það var alveg sama hvað við gerðum saman. Jafnvel þegar við gerðum eitthvað sem ég hefði alla jafna ekki haft einasta áhuga á, fannst mér það alltaf gaman. Það skipti engu hvað var gert. Það var nándin sem skipti máli.

Ég er gífurlega þakklátur fyrir að hafa fengið tækifæri til að upplifa ástina. Ég er alls ekki viss um að það sé algilt að fólk upplifi hana á lífsleiðinni.

Reyndar reyndist þessi ást ekki eilíf, í þeirri mynd sem hún var í upphafi. Fyrir því liggja ýmsar ástæður og eitrandi tilfinningar. Henni varð ekki við haldið. Þó ríkir gagnkvæm væntumþykja og vinskapur milli okkar enn.

Ég minnist þessa dags og þessa tíma hvorki með söknuði né eftirsjá, heldur með þakklæti. Ég er betri maður í dag.

Athugasemdir

[Anna, 1.7.2008 kl. 08:12]

Vel orðuð og góð hugleiðing.

[Anna Einarsdóttir, 1.7.2008 kl. 10:57]

Ofboðslega fallega orðað Brjánn.  Mér finnst verst að þið eruð hætt saman. 

[Brjánn Guðjónsson, 1.7.2008 kl. 11:03]

takk fyrir það Önnur og báðar

allt er þetta dýrmæt reynsla og veganesti í framtíðina og þess vegna af hinu góða

[Nanna Katrín Kristjánsdóttir, 1.7.2008 kl. 11:05]

Þetta er ótrúlega falleg færsla.  Vona að sem flestir kynnist ástinni.

[Brjánn Guðjónsson, 1.7.2008 kl. 11:38]

það vona ég líka Nanna

[Tiger, 1.7.2008 kl. 13:32]

 Alltaf jafn flottur á því ljúfi boxer. Satt hjá Nönnu, falleg færsla hjá þér. Svo satt að maður veit þegar ástin ber að dyrum en þegar það gerist þá á maður að grípa hana og reyna eftir mætti að halda í hana, hlú að henni og vökva hana öllum stundum. Svo sannarlega er ekki alltaf hægt að halda henni ferskri og eilífri, en ástin þroskar okkur og - eins og þú segir - gerir okkur að betri einstaklingum!

Ég er algerlega sammála þér þegar þú segir að maður líti til baka þakklátur frekar en annað - á þá stund er ástin sanna barði dyra. Dýrmætar stundir eru gerðar til að minnast síðar á lífsleiðinni, rétt eins og þú gerir hérna núna. Þú ert flottur kaddlur kæri box ..

[Nanna Katrín Kristjánsdóttir, 1.7.2008 kl. 13:41]

Það er líka mikilvægt að kunna að vera þakkláttur en ekki bara bitur vegna þess að maður fékk ekki meira.  Það sýnir mikin þroska.

[Brjánn Guðjónsson, 1.7.2008 kl. 13:47]

ég þakka hlý orð í minn garð

[Lára Hanna Einarsdóttir, 1.7.2008 kl. 15:05]

Falleg stemmningsfærsla. Vonandi áttu eftir að upplifa þetta aftur, Brjánn... 

[Brjánn Guðjónsson, 1.7.2008 kl. 15:21]

takk Lára Hanna

[Jenný Anna Baldursdóttir, 1.7.2008 kl. 17:16]

Ég hef verið þarna og er enn.  Þakka hvern dag (eða þegar ég man eftir því, hehemm, maður er svo fljótur að líta á allt sem sjálfsagðan hlut).

Falleg frásögn.

[homm-inn (IP-tala skráð) 1.7.2008 kl. 18:15]

Ástin er svo skrítin samt að hún getur líka verið sár, það getur verið sárt að elska þó að það sé æðislegt að vera ástfanginn.

[Brattur, 1.7.2008 kl. 19:45]

Flott Brjánn... samhljómur...óendanleg væntumþykja... nánd...allt gaman sem gert er saman... öll smáatriði verða yndisleg og skemmtileg...þetta er ást... og rétt hjá þér það eru ekki allir jafn heppnir að upplifa þetta... og maður á einmitt að vera þakklátur fyrir slíka reynslu...

[fellatio, 1.7.2008 kl. 19:57]

 

[Jóna Á. Gísladóttir, 2.7.2008 kl. 16:08]

Ja hérna. Vissi eiginlega ekki að þú ættir þetta til. Falleg færsla. Þér tekst einhvern veginn að koma með sýn á þetta sem framkallar svona ''já einmitt'' viðbrögð hjá mér.