Tvenn eldri hjón festust í leðju

Kalla þurfti til lögreglu og björgunarsveitir þegar tvenn eldri hjón festu bifreið sína í leðjupytt, rétt ofan Hafravatns síðdegis í gær. Hjónin sem eru á áttræðisaldri ætluðu að láta reyna á lipurð bifreiðarinnar.

„Þetta er nýlegur Subaru, á góðum dekkjum og fjórhjóladrifinn“ sagði Hafsteinn Kúld, er ók bifreiðinni. „Þegar ég hafði ekið um það bil hálfa leið yfir pyttinn drap bíllinn á sér og við það náði hann að festast“ bætir Hafsteinn við.

Jensína Kúld, eiginkona Hafsteins segist hafa orðið mjög skelkuð. „Ég hélt þetta væri mín hinsta stund“ sagði Jensína. „Við náðum þó að hringja eftir hjálp í tæka tíð. Guði sé lof fyrir farsímann hans Steina míns.“

Hafsteinn og Jensína jöfnuðu sig þó flótlega eftir að björgunarsveitin Hrólfur hafði losað bifreið þeirra. Samferðafólk þeirra Hafsteins og Jensínu, hjónin Leó og Lovísa Löve, þáðu hinsvegar áfallahjálp og treystu sér ekki í viðtal.

28 klappstýrur festust í lyftu

Athugasemdir

[Brattur, 7.8.2008 kl. 21:24]

Ég skil Leó og Lovísu Löve vel... það er alltaf verra að vera afturí.

[Gulli litli, 7.8.2008 kl. 21:26]

Ertu viss um ad Þetta hafi verid Subaru?

[Anna Einarsdóttir, 7.8.2008 kl. 21:29]

.....já maður.  Sjá að Hafsteinn og Jensína eru að festast.  Vitandi að þau sjálf eru næst.  Ógnþrungið augnablik hjá Leó og Lovísu. 

[Brjánn Guðjónsson, 7.8.2008 kl. 21:31]

Gulli, hann Hafsteinn segir þetta hafa verið Subaru. annars skilst mér hann sé ekki ýkja glöggur í bílamálum. kannski var þetta bara '72 módel ag Moskvits?

[Jenný Anna Baldursdóttir, 7.8.2008 kl. 23:53]

Auli. Hehe.

[Halla Vilbergsdóttir, 8.8.2008 kl. 01:14]

hahahha ;) FRÁBÆR.!!!!

[Tiger, 8.8.2008 kl. 02:47]

Damn, hefði frekar viljað lesa um þessi ágætu hjónakorn öll í leðjuslag eða mýrarbolta ...

Ef þú eða ég hefði verið undir stýri - þá hefði súbarú ætt yfir hvern þann pytt sem á vegi hefði verið - en svona er lífið - some ppl got it but some not.

Knús á þig ljúflingurinn minn - hafðu ljúfa nótt og góðan dag á morgun!

[vv (IP-tala skráð) 15.8.2008 kl. 23:45]

ekki voru þetta unglinganir að keyra utanvegar!