Hin íslenska helgislepja

Úff. Íslansku fánalögin. Ein helgislepjan enn. Það er makalaust hve helgislepja er rík í íslendingum.

Tökum jól og páska sem dæmi. Þessi þjóð sem er líklega með ókristnari kristnum þjóðum. Þjóð sem hefur meiri áhuga á álfum, draugum, stokkum og steinum, en Ésú og Co. Nei nei, svo koma þessar svokölluðu stórhátíðir. Þá má enginn dansa og helst eiga allir að leggjast í kör og hlusta á englakóra. Allt samkvæmt yfirlýstum og úr sér gengnum staðli þjóðkirkjunnar.

Fyrir mér er þetta fánadæmi svipað. Fólk er ekki ýkja upptekið af fánanum. Einstaka fólk flaggar honum á 17. júní, búi það svo vel að eiga fánastöng. En nei. Það má sko alls ekki nota þetta þrílita léreftslak á annan hátt nema með þinglýstu samþykki ráðuneytis, í þríriti.

Að gera fánann svo heilagan samsvarar því að gera sjálfan sig heilagan. Taka sjálfan sig of hátíðlega.

Lítum á Bandaríkin. Líklega sú þjóð sem er hvað uppteknust af fánanum sínum. Endalausar fánaserimoníur þar á bæ. Þó virðast þeir lausir við þessa fádæma helguslepju varðandi fánann, þótt þeir játi honum hollustu og ég veit ekki hvað.

Það er nefnilega engin óvirðing í því fólkin að prýða sig eða föt sín með fánanum eða litamynstri hans. Það er, þvert á móti, virðing. Það er ekki mikil virðing við fánann að nota hann (svo til) aldrei.

 

p.s. ég þori ekki fyrir mitt litla líf að setja inn mynd af fánanum. ég gæti lent í gúlaginu fyrir vikið.

Nærbuxur í fánalitum

Athugasemdir

[Gulli litli, 8.8.2008 kl. 17:59]

Hef oft hugsað út í að láta míða fyrir mig gítar í ísl fánalitunum....en það má víst ekki!

[Gulli litli, 8.8.2008 kl. 18:00]

Smíða að sjálfsögðu....

[Brattur, 8.8.2008 kl. 18:13]

... við erum svo skrítnir Íslendingar... en við erum að skána... finnst mér...

[Brjánn Guðjónsson, 8.8.2008 kl. 18:25]

...og verðum vonandi orðnir þokkalegir um næstu aldamót

[Guðbjörg Erlingsdóttir (IP-tala skráð) 8.8.2008 kl. 18:28]

Sammála, það mætti nú alveg brúka hann meira !

Ég er samt ekkert sérstaklega hrifin af mynstrinu, né litasamsetningunni, næðir mér ekki dauðri í fánalitunum:)

Ofurskutlukveðja

[Signý, 8.8.2008 kl. 18:54]

Ég er svoskrítin (eða bara afturhaldsseggur) að mér finnst fínt að fáninn sé ekki notaður við öll möguleg og ómöguleg tilefni. Finnst fínt að hann sé bara notaður við séstök tilefni og að það séu allar þessar reglur sambandi við hann.

Ég veit nefnilega ekkert klígjugjarnara og viðbjóðslegra eins og bandaríkin á góðum sólskinsdegi, eða bara öðrum degi for that matter. Þar sem fáninn er bókstaflega ALLSSTAÐAR skiptir þá engu hvort það er plastkaffibolli á starbucks, skreytingar á ljósastaurum eða risavaxinn fáni utan á einhverju húsinu þarna. Maður fær í alvörunni ógeð. 

Enda á maður að bera virðingu fyrir fánanum sínum, enda sameiningartákn þjóðarinnar...  en það er náttúrulega bara ég

[Brjánn Guðjónsson, 8.8.2008 kl. 19:01]

mér finnst kaninn oft fara yfir strikið í fánahyllingunni, en mér finnst alveg mega fara milliveginn

[Jenný Anna Baldursdóttir, 8.8.2008 kl. 21:10]

Ég vill vera alheimsborgari og ég vill öll landamæri veg allrar veraldar þó ég geri mér ljóst að það er ekki á næstunni (understatement).

Fánar þetta og hitt þvælast ekki fyrir ró minni.  En ég færi aldrei í svona liti, því get ég lofað þér.

[Brjánn Guðjónsson, 8.8.2008 kl. 21:20]

ég myndi klæðast fánalitunum villt og galið, væri íslenski fáninn í jarðlitum

[...désú (IP-tala skráð) 10.8.2008 kl. 20:12]

Helgislepjan er þjóðaríþrótt Íslendinga... algengur misskilningur að handboltinn sé það sko.