Fáránleiki Fálkaorðunnar

Venja er að sæma valda aðila Fálkaorðu, tvisvar á ári, að undangengnum tilnefningum Orðunefndar. Fínt, allt gott um það að segja, svo sem. Fólk hefur ýmsar skoðanir á þessum orðuveitingum og tilefnum þeirra. Stundum er orðan veitt fólki sem virkilega virðist hafa til hennar unnið, meðan aðrir virðast einungis hafa þurft að mæta skikkanlega til vinnu til að hljóta hana.

Forseti getur veitt orðuna að eigin frumkvæði, án þess að Orðunefnd komi þar að. Eins og hann hefur nú ákveðið að gera varðandi handboltalandsliðið. Það er hið besta mál og strákarnir eiga það svo sannarlega skilið. Þeir unnu afrek.

Í þessari frétt sem ég rakst á, á Vísi, eru talin upp stig orðunnar. Mig rak í rogastans er ég las um æðsta stig hennar.

„Æðsta stig hinnar íslensku fálkaorðu er keðja ásamt stórkrossstjörnu en hana hljóta einungis þjóðhöfðingjar.“

Að því gefnu að forseti Íslands veiti sjálfum sér ekki orðu, getur því einungis verið um erlenda þjóðhöfðingja að ræða.

Kommon!!

Semsagt. Íslendingur sem fremur eitthvert meiriháttar afrek, þjóð sinni til heilla, getur í mesta lagi átt von á að vera sæmdur næstæðstu orðunni, stórkrossi. Hinsvegar geta erlendir þjóðhöfðingjar átt von á æðstu fálkaorðunni, keðju ásamt stórkrossstjörnu, fyrir það eitt að droppa í kaffi á Bessastaði.

Sniðugt.

Athugasemdir

[Gulli litli, 26.8.2008 kl. 13:08]

Óli á Keldulandi gamall snillingur utan af Skaga sagði einu sinni við mig um Fálkaorðuna; Einu sinni voru þjófar hengdir á krossa en nú hengja þeir krossa á þjófa. Þetta á auðvitað ekki við um handboltaliðið en er mikill sannleikur samt..

[Jenný Anna Baldursdóttir, 26.8.2008 kl. 13:09]

Út með þennan hégóma.

[Brjánn Guðjónsson, 26.8.2008 kl. 13:30]

hahaha, góður Gulli

[fellatio, 26.8.2008 kl. 14:23]

stundum er talað um menn sem algjöra fálka og er það ekki jákvætt að fá það orð á sig. fálkaorða=orðaður við fálka. er þetta ekki hugsað einhvernvegin svona.

mér finnst að það mætti slá alla handboltakallana til víkinga. held að það væri flott.