Háttvirtir og hæstvirtir

Ég hef stundum velt fyrir mér þeim leiða sið að aldrei er nokkur maður á Alþingi ávarpaður öðruvísi en svo að notuð eru forskeytin háttvirtur eða hæstvirtur.

Ég hef reyndar ekki ráðið algóritmann sem segir til um hver er háttvirtur og hver hæstvirtur. Nema ég man ekki til að hafa heyrt forsetann ávarpaðan öðruvísi en hæstvirtur. Kannski fer það eftir geðþótta hvers og eins. Þannig ætti það líka að vera. Annars eru forskeytin merkingarlaus, sem þau og eru þegar þau eru notuð af skyldu en ekki meiningu.

Reyndar leiðir það af notkun forskeytisins hæstvirtur, að sá sem einungis er háttvirtur er þ.a.l. lágtvirtur. Í það minnsta lægra virtur en sá hæstvirti. Því væri ekki úr vegi að bæta hreinlega orðunum lágtvirtur eða lægra virtur í algóritmann, svona til að auka fjölbreytnina.

Mér finnst tímabært að afleggja þennan ósið, sem hefur fyrir lifandi löngu gengisfellt umrædd orð niður í núll.

Fyrir þá sem eru orðnir svo gamlir og rykfallnir, af allt of langri setu á þingi og því of seint að venja af ósiðnum, mætti hugsa sér önnur orð í staðinn. Orð sem hafa aðra merkingu en hljóma ekki ósvipað.

Vel hirtur, óhirtur, vel girtur, ógirtur, vel snyrtur, ósnyrtur og vitfirrtur.

Ég er ekki frá því að seinasta orðið eigi vel við marga í dag.

Athugasemdir

[Jenný Anna Baldursdóttir, 25.11.2008 kl. 01:01]

Hehe, hættu að velta svona hlutum fyrir þér og mættu á borgarafund.  Segi sonna.

[Brjánn Guðjónsson, 25.11.2008 kl. 01:03]

var önnum kafinn í kvöld, en mæti síðar að ræða við vitfirrta ráðherra og þingmenn

[Thee, 25.11.2008 kl. 08:49]

Tja en hvað um bara að leyfa þeim að segja meiningu sína?

[Brjánn Guðjónsson, 25.11.2008 kl. 10:49]

einmitt. ógirtur og vitfirrtur væri ágætis byrjun

[101moi (IP-tala skráð) 25.11.2008 kl. 11:34]

Háttfirrtu óráðsherrar, dauðyfli aðrar þurrkuntur, þjóðfélagsþrefandi atvinnuhálfvitar,

aldrei hefur setið þing jafn illagefið og hrokafullt fólk,....svona myndi mín ræða byrja ....svo eru jólasveinarnir bráðum að koma hurðasleikir, stekkjastúfur, gluggnakrækir, giljastaur og félagar....

[Thee, 25.11.2008 kl. 12:49]

moi þú gleymir forseta álþingis.

[Brjánn Guðjónsson, 25.11.2008 kl. 14:55]

hirðulegi forseti?