Næturvara hefur hækkað

Dagvara hefur hækkað um 30,6% milli ára. Mun hefðbundin matvara skipta þar mestu máli. Lítið hefur þó farið fyrir fréttum af hækkun næturvöru.

Hækkun á nætursnarli mun vera um 25% en mest vegur þó hækkun á smokkum, sem mun vera um 42% milli ára. Sala þeirra hefur jafnframt aukist um 15,5%

Áfengi, sem í sumum tilfellum flokkast sem dagvara, en í flestum tilfellum sem næturvara, hækkar um 16,9% Þó hefur dregið úr neyslu þess, eða um sömu 15,5% og söluaukning smokka nemur.

Niðurstaðan er að fólk virðist vera vera í auknum mæli farið að stunda kynlíf allsgáð.

Dagvara hefur hækkað um 30,6%

Athugasemdir

[Jenný Anna Baldursdóttir, 9.12.2008 kl. 20:24]

Þú drepur mig.

[Máni Ragnar Svansson, 9.12.2008 kl. 21:23]

Gæti ekki einhver sett upp litla smokkaverksmiðju í einhverjum bílskúr t.d. í Hafnarfirði og selt svo þá á svörtum ?  Kannski gæti þetta vaxið og orðið seinna ein aðalútflutningsvara okkar, í bland við gervilimi frá Össuri.......