Hátekjuskattur bara táknrænn, segir Ingibjörg. Björgvin veit ekki neitt

„Ingibjörg Sólrún Gísladóttir formaður Samfylkingarinnar segir að hátekjuskattur hafi komið til umræðu hjá ríkisstjórninni. Horfið hafi verið frá honum þar sem hann sé fyrst og fremst táknrænn“

Þetta er alveg rétt. Þorri fólks er á skítalaunum og ekki nema ráðherrar, banka- og auðmenn sem eru á almennilegum hákarlalaunum. Hátekjuskattur kom til umræðu á ríkisstjórnarfundi. Það var svo, eftir að húsvörður hafði bent þeim á að það hefðu bara ekki allir sömu laun og þau sjálf. Þá var hætt við.

Eitthvað varð samt að gera. Þá kom upp þessi líka snilldartillaga. Hækka neysluvörur svo um munar. Kynda vel undir verðbólgunni svo hún brenni eigur fólks sem aldrei fyrr. Það komi jafnframt harðast niður á þeim sem skulda mikið. Þetta eru almennilegar aðgerðir.

Skál fyrir því!

Eins hefur komið í ljós að það er talsvert sem Björgvin G. vissi ekki um og veit ekki um. Í raun má segja að hann viti fæst um flest, kannski bara ekkert um allt?

Fyrir utan það sem rekið hefur verið síðustu daga, um hvort og þá hvað Björgvin veit eða vissi og þá hvenær, hvernig og hvers vegna eða hvers vegna ekki.

Björgvin segist nú ekki hafa vitað að hann væri í ríkisstjórn. Hann hafi fyrst í gær frétt að hann væri viðskiptaráðherra.

Hátekjuskattur bara táknrænn

Athugasemdir

[Jenný Anna Baldursdóttir, 12.12.2008 kl. 15:03]

Ég fer fram á að allir öryrkjar og eldri borgarar verði skattfríir, bara svona táknrænt.  Ha?

Létt mál og löðurmannlegt er það ekki?

[Brjánn Guðjónsson, 12.12.2008 kl. 15:21]

nú, ég sem hélt að galdurinn væri að níðast sem mest á þeim

[Thee, 12.12.2008 kl. 15:36]

Nú á dögum þarf ráðherra ekki að vita neitt. Aðalmálið er að hann komi vel fyrir í fjölmiðlum ekki hvað hann segir.

[Jenný Anna Baldursdóttir, 12.12.2008 kl. 16:07]

Já auðvitað er það galdurinn.  Múha.

[Fýlupúki (IP-tala skráð) 12.12.2008 kl. 17:38]

Þegar að Geir og Solla verða búin að ljúka sér af með allar þessar hækkanir verða ráðstöfunartekjur hjá okkur skrílnum bara svona "táknrænt"

[Blahh (IP-tala skráð) 13.12.2008 kl. 00:05]

Það sem hún meinar er að kostnaðurinn við innheimtu hátekjuskatts er svo mikill að það einfaldlega borgar sig ekki.  Að auki verður þetta til þess að þeir sem hafa há laun t.a.m. vegna mikillar yfirvinnu munu draga úr yfirvinnu til að lækka launin sín þannig að færri verða eiginlegir hátekjumenn (fyrir utan það náttúrulega að þjóðarframleiðsla dregst saman í leiðinni).

[Thee, 13.12.2008 kl. 13:17]

Er Blahh nýr jólasveinn? S.s Píkusleikir?

[Brjánn Guðjónsson, 13.12.2008 kl. 15:20]

Blahh: er meiri kostnaður við rukka hátekjuskatt en annan skatt?

[Blahh (IP-tala skráð) 14.12.2008 kl. 00:32]

Innheimtan er flóknari já og eftirlitið meira, en mengi skattgreiðenda minna.  Afraksturinn er sáralítill, en ég meina, þetta virkar ágætlega sem tæki til jöfnunar og til að hægja á lífsgæðaaukningu.