Í minningu Bóbós

Ég átti samtal við ástkæra dóttur mína í kvöld. Hún sagði farir sínar ekki sléttar. Henni var mikið niðri fyrir og var með ekka.

Bóbó er dáinn.

Þessi gleðigjafi og hvers manns (og fugls) hugljúfi. Ekkert hafði amað að honum fyrr en í dag og Birna mín horfði á þennan vin sinn kveðja þennan heim, óforvarendis.

Dýralæknirinn sagði að hjartaáföll væri tíð hjá gárum.

Bóbó fer líklegast ekki í krufningu, né að annarskonar rannsókn fari fram á dauða hans. Því verður hjartaáfall líklega skýringin á hans sviplega fráfalli.

Hann var ungur. Ekki nema eins árs. Hann var sóttur, sem ungi, í dýrabúð á aðfangadag jóla 2007. Hann bjó síðan í góðu yfirlæti tveggja barna sem þóttu vænt um hann. Sjálfur naut ég félagsskapar hans fyrr í sumar. Í júní, meðan forráðamenn hans skruppu til vesturheims.

Við Bóbó áttum góðan tíma saman. Móuðumst hvor í öðrum og áttum þess á milli heimspekilegar samræður um menn, fugla og málefni.

Bóbó var afar málefnalegur og fylginn sér í allri þeirri vitleysu sem hann tók sér fyrir hendur vængi.

Mig langar að kveðja þennan einlæga og góða félaga sem ég kynntist, því miður, of lítið.

Blessuð sé minning þín Bóbó.

Athugasemdir

[Brattur, 15.12.2008 kl. 22:42]

æ, æ, þetta var leiðinlegt að heyra... mikil fugl flýgur nú á vit feðra sinna...

[Brjánn Guðjónsson, 15.12.2008 kl. 22:54]

já Brattur minn. Bóbó var eðalfygli

[Jenný Anna Baldursdóttir, 15.12.2008 kl. 22:57]

Minn gári dó líka úr hjartaáfalli.  Bara hviss bang, var að dansa á gardínustönginni og söng eins og engin væri framtíðin og sjá hann hitti naglann á höfuðið.

Samúðarkveðjur.

[Brjánn Guðjónsson, 15.12.2008 kl. 23:05]

takk Jenný mín. ég finn voða til með henni Birnu minni

[Steingrímur Helgason, 15.12.2008 kl. 23:30]

Fallegasta fiðurfé, nú sakna ég kakadúanz mínz.

[Brjánn Guðjónsson, 15.12.2008 kl. 23:38]

ég eyddi góðum tíma með Birnu minni, að tala um að við00 skyldum heldur þakka fyrir fyrir tímann með Bóbó en að syrgja tímann sem við fáum ekki. Honum líði örugglga betur að vera laus undan meini sínu en að búa við það.

Kvað gerir maður ekki til að hughreysta þann sem maður elskar út fyrir gröf og dauða?

[Lára Hanna Einarsdóttir, 16.12.2008 kl. 02:47]

Æ, leitt að heyra. Ég samúðast með ykkur, hafði gaman af skrifum þínum um Bóbó í sumar og ykkar heimspekilegu vangaveltum.

Við mæðgin lentum í þessu fyrir fjölmörgum árum og þetta er sárt.

[Guðbjörg Erlingsdóttir (IP-tala skráð) 16.12.2008 kl. 17:13]

Leitt að heyra, það var einmitt einstaklega gaman að fylgjast með skrifum ykkar Bóbó í sumar.

Kær kveðja