IRC í dauðateygjunum?

Þegar ég fyrst tengdist internetinu, árið 1994, tengdist ég inn á spjallsvæðið IRC (Internet Relay Chat).

Allskyns rásir sem hægt var að fara inn á, þar sem mismunandi atriði voru til umfjöllunar.

Á IRC voru (og eru kannski enn) svokallaðar Warez rásir. Þar sem hægt var að nálgast allskyns hugbúnað, ef maður vildi.

Svo voru líka íslenskar rásir, þar sem íslendingar komu saman og spjölluðu.
#iceland,  #iceland18+, #iceland20+, #iceland30+, #iceland40+, ásamt mörgum öðrum rásum.

Fyrir 10 árum var líf þarna. Fólk að spjalla saman. 

Í dag er eins og það sé keppikefli allra að segja ekkert. Fari maður inn á þessar rásir nú, eru allir meira og minna „away“ tímum og dögum saman.

Nú safnast fólk saman á IRC til að þegja.

Athugasemdir

[Nanna Katrín Kristjánsdóttir, 14.1.2009 kl. 22:41]

Ég var að tala um irc-ið um daginn í einhverju samhengi og sonur minn(15 ára) hafði ekki hugmynd hvað það væri.  Þegar ég reyndi að útskýra fyrir honum fannst honum það frekar frumstætt og skildi illa tilganginn með þessu.

[Brjánn Guðjónsson, 14.1.2009 kl. 23:00]

Billi og msn stal öllum fídusum frá irc, online/offline, block, notify (contacts online), .....

ekkert nýtt undir sólinni

[Brjánn Guðjónsson, 14.1.2009 kl. 23:03]

og fyrir þá sem forvitnir eru er irc upprunnið á finsku BBS (Bulleting Board Service)

[Sæmundur Bjarnason, 14.1.2009 kl. 23:59]

Það er rétt hjá þér Brjánn að áður en Internetið varð svona almennt voru BBS-in með ýmiss konar samstarf um ráðstefnur. Kannski byrjaði það í Finnlandi. Hér voru BBS einkum vinsæl í byrjun á Keflavíkurflugvelli. Þá tók venjulega einn til tvo daga að fá svar en IRC-ið var á rauntíma. Einu sinni tók ég saman smáfróðleik um BBS. Sjá http://snerpa.is/net/rafrit/raf.htm  (smá auglýsing)