Þjóðaratkvæði

Evrópunefnd Sjálfstæðisflokksins leggur til að gengið verði til þjóðaratkvæðagreiðslu um hvort ganga skuli til viðræðna um aðild að Evrópusambandinu.

Nokkuð skiptar skoðanir eru um málið í flokknum.

Björn Bjarnason, alþingismaður, tók til máls og sagðist hlynntur því að haldnar yrðu tvær atkvæðagreiðslur. Aðrir vilja þrjár.

„Leggja þarf undir þjóðina hvort sótt skuli um aðild,“ segir ónefndur flokksmaður. „Hvort, yfir höfuð, skuli sest að viðræðuborðinu þarf líka að bera undir þjóðina.“

Annar ónefndur flokksmaður telur það þó ekki nóg. „Það eru skiptar skoðanir meðal þjóðarinnar um hvort þurfi þjóðaratkvæðagreiðslu um að hefja viðræður. Þarf sérstaka þjóðaratkvæðagreiðslu um það, eða ekki? Hvort þurfi slíka þjóðaratkvæðagreiðslu verður því að bera undir þjóðina, í sérstakri atkvæðagreiðslu.“

Eins og að framan er getið eru mjög skiptar skoðanir um Evrópumálin innan flokksins og er það skoðun sumra flokksmanna að til þurfi þjóðaratkvæðagreiðslu til að fá hreinar línur í þeim efnum.

Evra ekki í sjónmáli næstu ár

Athugasemdir

[Steingrímur Helgason, 27.3.2009 kl. 21:47]

Viðræður eru sjálfsagðar, en aðild nei.

[JSG (IP-tala skráð) 28.3.2009 kl. 13:12]

Viðræður eru sjálfsagðar og aðild jú.  Merkilegt hvað Sjálfstæðismenn eru upp til hópa enn inní moldarkofunum og íhaldið uppmálað.   Töluðu flestir um á fundinum í gær að svona hefði þetta alltaf verið allt frá 12. öld.  Swoppið ykkur yfir á þá 21. Heil heil