Lama

Dalai Lama er á faraldsfæti. Nú í heimsókn hjá frændum okkar í Danaveldi. Vitanlega mótmæla Kínversk stjórnvöld, sem aldrei fyrr, að maðurinn skuli ekki vera heima hjá sér.

Ég þekki lítið til Dalai Lama. Hef bara heyrt að þetta sé hinn mætasti fýr, með hausinn og hjartað á réttum stað. Ég gæti meira að segja alveg hugsað mér að hlusta á hann, ef ég nennti því. Maðurinn virðist hokinn af reynslu og visku. Enda eldri en tvævetra.

Þó reyni ég, almennt, að forðast fólk sem kallast andlegir leiðtogar. Það er nóg af þeim á Omega.

Mótmæla fundi með Dalai Lama

Athugasemdir

[Lára Hanna Einarsdóttir, 30.5.2009 kl. 17:00]

Ætli þessi andlegi leiðtogi sé ekki svolítið ólíkur þeim á Ómega... hef grun um það. 

[Brjánn Guðjónsson, 30.5.2009 kl. 17:52]

vonandi betri samsetning en andlegu leiðtogarnir á Omega

[Anna Sigríður Guðmundsdóttir, 31.5.2009 kl. 11:47]

Ef hann væri ekki andlegur leiðtogi heldur líkamlegur, hver væri munurinn? Erum við ekki bæði andleg og líkamleg? það hefur í raun ekkert með trúarbrögð að gera heldur staðreynd lífsins. Held að þessi náungi sé mjög heill í hugsun og fagna komu hans hingað.

[Brjánn Guðjónsson, 31.5.2009 kl. 15:31]

ég myndi heldur tala um efnislega leiðtoga en líkamlega.

dæmi um þess lags leiðtoga er fólk sem kosið er til slíks af þeim hópi sem það tilheyrir og hefur umboð þess til að tala máli þess.

hver er t.d. andlegur leiðtogi minn? Kalli biskup? Þar sem ég hef ekki komið í verk að segja mig úr þeirri ríkisstofnun, hlýtur Kalli væntanlega að teljast andlegur leiðtogi minn. Hver valdi hann í það hlutverk? Ekki ég, heldur einhvejir embættismenn ríkisins sem kallast prestar. Sjálfskipaðir umboðsmenn ímyndaðs almættis.

Nei takk. Mín andlegu mál eru prívat og persónuleg fyrir mig og enginn annar getur kallað sig leiðtoga minn í mínum persónulegu andlegu málum.

[Lára Hanna Einarsdóttir, 31.5.2009 kl. 16:05]

Sumir þurfa leiðtoga lífs síns, hvort sem er í andlegum málum eða efnislegum.

Ég sagði mig úr þjóðkirkjunni þegar biskupsmálið, sem nú er að koma upp aftur, stóð yfir. Hef aldrei þurft eða átt leiðtoga í neinum málum og liðið ágætlega þrátt fyrir það.

[Brjánn Guðjónsson, 31.5.2009 kl. 16:18]

ekki þarf ég neinn til að sjá um mín andlegu mál fyrir mig.