Mannlegur máttur

Félagsmálaráðherra tekur aldeilis stóran upp í sig. Segir ekki í mannlegu valdi að geta afskrifað skuldir heimilanna. Þrátt fyrir að kerfið sem orsakar skuldir heimilanna sé mannanna verk.

Nei, það er víst ekki í mannlegu valdi að tjónka við kerfið. Líklega er kerfið bara eitt af náttúrulögmálunum og ég bara svona vitlaus að sjá það ekki.

Er þá ekki spurning, meðan ríki og kirkja eru enn eitt, að fá biskupinn í málið? Kannski hann geti togað í spotta almættisins og gert eitthvað í málinu?

Það virðist deginum ljósara að það er ekki í mannlegu valdi.

Amen.

Semsagt. Meðan gapuxinn Jón, sem var ávallt flottur á'ðí, tók 20 milljóna gjaldeyrislán fyrir sinni íbúð, sem stendur nú í ca 40 milljónum, meðan Gunna, hin varfærna,  tók 20 milljóna verðtryggt lán sem stendur í ca 23 milljónum. Þá fær gapuxinn Jón afskrifaðar...hvað...tuttugu milljónir, meðan Gunna fær afskrifaðar þrjár?

Aldeilis fín jafnaðarstefna. Já og réttlætið drýpur af hverju strái.

Athugasemdir

[Karl Tómasson, 5.8.2009 kl. 01:00]

Já Brjánn. Þetta er aldeilis fín jafnaðarstefna.

Bestu kveðjur til þín frá Kalla Tomm úr Mosó.

[Finnur Bárðarson, 5.8.2009 kl. 13:22]

Á öðrum stað sagði hanni "skuldir almennings" hvað með hina sem ekki tilheyra ekki almenningi ?

[Brjánn Guðjónsson, 5.8.2009 kl. 15:56]

nákvæmlega. skuldir málsmetandi manna og fyrirtækja. ekki skuldir okkar aumingjanna.