Rauð málning selst illa

Ég tel að rauð málning muni seljast illa næstu misserin.

Hví? Jú. Vegna málningarárasanna á útrásarvíkinga og aðra auðmenn.
Lögreglan hlýtur að rannsaka hvar hefur verið keypt rauð málning og hverjir þar voru á ferð.
Ekki veit ég hvort um er að ræða innan- eða utanhússmálningu.
Allavega, til að koma mér ekki í vesen, er ég ekki að fara að mála rautt á næstunni.

Reyndar myndi ég seint mála rautt innandyra. Ekki nema ég ætlaði að opna hóruhús. Sú viðskiptahugmynd hefur þó ekki komið upp enn. Rautt utanhúss er skárra.

Ég er enginn sérfræðingur, en í minningunni er lakk dýrara en vatnsmálning og utanhússmálning dýrari en innanhússmálning. Leiðréttið mig fari ég rangt með.

Að því gefnu er hér um innanhússmálningu að ræða. Þeir sem vilja sletta vilja örugglega gera það á sem hagkvæmastan hátt. Kaupa því innanhússvatnsmálningu. Rauða innanhússmálningu sem engin annar kaupir, nema hann ætli að opna hóruhús.

Því ætti að vera tiltölulega auðvelt að hafa uppi á þeim er sletta.

Athugasemdir

[Sigurður Þór Guðjónsson, 24.8.2009 kl. 00:42]

Málningunni gæti hafa verið stolið. Það myndi ég gera ef ég færi að mála bæinn rauðan. Ég myndi ekki láta hanka mig á svona augljósu atriði!

[Brjánn Guðjónsson, 24.8.2009 kl. 00:46]

kannski, en þá hafa menn stolið aldeilis slatta af rauðri málningu.

[Brattur, 25.8.2009 kl. 20:35]

En má svo ekki breyta um lit... ég sting upp á búrgúndi rauðu næst...

[Brjánn Guðjónsson, 25.8.2009 kl. 21:41]

neongrænt er meira mín deild