Fjas

Laugardagur, 5. september 2009

Bloggvinir

Ég man eftir ákveðnu blæti sem heltók blogheima fyrir rúmu ári. Þá voru allir að taka til á bloggvinalistanum sínum og henda úr fólki. Þá líklega bloggurum sem það sjálft ekki las.

það sem fólk kannski spáði ekki í er að bloggvinasambandið virkar í báðar áttir. Þ.e. að þótt A lesi ekki blog hjá B, getur verið að B lesi blogg A.

Sjálfur hef ég verið á blogginu í ca 1,5 ár. Ég hef sent örfáar vinabeiðnir en megnið af mínum bloggvinum hafa sent mér beiðni. Enda er ég óferjandi gapuxi.

Ég les ekki öll blogg allra á hverjum degi. Þá gæti ég ekki sinnt starfi mínu.

Það að hafa bloggvini snýst nefnilega ekki bara um það að lesa þeirra blogg, heldur ekki síður að þeir hafi sjortkött á mitt blogg.

Ég á einhvern helling af bloggvinum. Les blogg þeirra mis oft og mis vel. Sumir eru í gríninu, aðrir í alvöru þjóðmálanna. Sumir vel skrifandi og vel máli farnir en aðrir ekki. Bjútíið við flóru mannlífsins.

Ætla ekki að fremja upptalningu.

Munum bara að bloggvinassambandið er tvíbent.

Flokkur: Bloggar | Facebook

Athugasemdir

Bloggavinasamand getur verið æði tvíbent!

Sigurður Þór Guðjónsson, 5.9.2009 kl. 00:56

Ég hef tvívegis gert rækilega bloggvinatiltekt. Hent út um 20 í hvort skipti. Ástæðan var sú að ég uppgötvaði að sumir svokallaðir bloggvinir höfðu mig ekki á bloggvinalista. Í flestum (eða öllum? Man það ekki) tilfellum þannig að þeir höfðu einfaldlega engan sýnilegan bloggvinalista.

Í öðru lagi voru það bloggvinir sem aldrei höfðu nein samskipti.

Í þriðja lagi voru það bloggvinir sem einnig höfðu aldrei nein samskipti og voru augljóslega hættir að blogga.

Það er engin ástæða til að glenna á bloggsíðuna sína myndir af bloggvinum sem eru í raun engir bloggvinir. Þess í stað er betra að rækta sambandið við þá sem eru raunverulegir bloggvinir. Segi ég og er þó skammarlega latur við að skilja eftir mig fótspor á þeim bloggsíðum sem ég heimsæki. Bæði bloggvinum og öðrum. Skamm, skamm.

Jens Guð, 5.9.2009 kl. 01:16