Lögreglumenn á Austurlandi vilja rafbyssur

Lögreglumenn á austurlandi vilja rafbyssur. Árið 2007 hefðu þeir átt hauk í horni, í ráðuneiti kirkjumála. Nú hefur sá haukur hinsvegar snúið sér alfarið að fjölmiðlamennsku.

Staða ríkiskassans er í dag ekki upp á marga froska og því ólíklegt að splæst verði í rafbyssur handa lögreglumönnunum að svo stöddu.

Þó má sjá ljóstýru í myrkrinu.

Það má gjarnan grípa til samlíkingarinnar við vatn, þegar lögmál Ohms þarfnast útskýringar. Lögmál Ohms er eitt grunnlögmálanna í raffræðum. Lögmálið um samspil spennu, straums og viðnáms. Þegar útskýra þarf Ohmslögmálið fyrir leikmanni er gott að grípa til samlíkingarinnar við vatn sem rennur um pípu. Þrýstingur vatnsins táknar spennuna og sverleiki pípunnar táknar viðnámið. Samspil þessara tveggja þátta ákvarðar hve hratt vatnið rennur um pípuna. Straumnum. Sé pípan þrengd þarf meiri þrýsting (spennu) til að ná sama vatnsrennsli (straumi) og öfugt.

Í ljósi þess hve margt er líkt með vatni og rafmagni legg ég til að lögreglumönnunum fyrir austan verði skaffaðar vatnsbyssur.

 

 

 

Athugasemdir

[Jenný Stefanía Jensdóttir, 31.10.2009 kl. 05:24]

Vatnsbyssur eru góðar til síns brúks, með þrýstingsmæli.

Eftir að hafa lesið um áhrifaríka notkun á rafbyssu í meðferð konunnar sem berst gegn mönnum sem hata konur, þá breyttist skoðun mín á þessum tólum.

Hér (í Canada)  gerist það nokkuð reglulega, að rafbyssur drepa menn (vopn í meðförum manna gegn öðrum mönnum).  Hrikalegt, en  Salander drap aldrei "árásarmenn" sína með rafbyssunni, hún einfaldlega tók þá úr umferð í hæfilegan umþóttunartíma.

Niðurstaða:  Meðferð og notkun rafbyssna séu aðeins heimilaðar konum.

Hvað segirðu um það Brjánn sæll.

[Brattur, 31.10.2009 kl. 09:09]

Sé tappi settur í pípuna... rennur vatnið ekki lengur í gegn = Lögmál Bratts.

[Brjánn Guðjónsson, 31.10.2009 kl. 16:40]

lögmál Bratts er að klippa á vírinn

[Brjánn Guðjónsson, 31.10.2009 kl. 16:42]

Jenny. ég get alveg fallist á það, enda konur ljúfmenni upp til hópa.