Ráðgjafar

Ég man að í kring um gjaldþrot Björgólfs Guðmundssonar var eitthvað haft eftir talsmanni hans í útvarpinu og mér varð á orði við vinnufélaga minn, „Hve gjaldþrota er sá sem efni hefur á prívat talsmanni á fullum launum?“ Hann svaraði með einu orði, „Nákvæmlega.“

Nú er komið í ljós að ráðgjafinn hætti fjótlega upp úr því, enda til lítils fyrir hann að gaspra áfram á skókassanum þegar kýrin er hætt að mjólka.

Vitanlega sneri hann sér að ráðgjöf. Það er trendið í dag. Allir sem annaðhvort voru í ruglinu eða tengdust því á einhvern hátt, hafa snúið sér að ráðgjöf.

Ekki veit ég hvers eðlis ráðgjöf Ásgeirs er. Hann er líklega frekar gapuxi en fjármálamaður. Hins vegar virðist sem allflestir aflóga útrásarvíkingarnir og fyrrum bankamennirnir hafi snúið sér að ráðgjöf. Fjármálaráðgjöf, af öllu undir sólinni.

Þyrfti ég ráðgjöf varðandi frið og umburðarlyndi, myndi ég snúa mér til George Bush?
Þyrfti ég ráðgjöf varðandi menntun og sjálfstæði dóttur minnar, myndi ég snúa mér til talibana?
Þyrfti ég ráðgjöf varðandi fjármál, myndi ég snúa mér til manna sem í heimsku sinni og græðgi settu banka og heila þjóð á hausinn og í spennitreyju?

Eru þessir menn virkilega að fá viðskiptavini í ráðgjöf?

Athugasemdir

[Jenný Stefanía Jensdóttir, 7.11.2009 kl. 02:58]

Sæll Brjánn, 

Svörin við kvissunum þrem eru auðvitað; Nei, Nei,Nei

Í ráðgjöf er hver og einn er sjálfum sér næstur, og þar ertu sjálfur stærstur!

[Hildur Helga Sigurðardóttir, 7.11.2009 kl. 16:32]

Nokkrar nettar samlíkingar hjá þér þarna.

[Jóka (IP-tala skráð) 7.11.2009 kl. 20:38]

þeir eru flestir flúnir land held ég og eru þeir ekki bara að veita ráðgjöf í hvernig flokka eigi rusl.  Get ekki ímyndað mér annað.  Örugglega vöntun á þannig fólki í Luxembourg. 

[Brjánn Guðjónsson, 11.11.2009 kl. 16:52]

Jóka, áttu ekki smá gull handa mér? ég er svo svangur

[Jóka (IP-tala skráð) 11.11.2009 kl. 23:04]

ég lúri á því eins og ormurinn en ég á bjúgu handa þér eða fisk með hangifloti sannkallað kreppufóður minn kæri