Íslensk moldakofahugsun

Íslendingar fluttu úr moldakofunum á 20. öld. Og þó. Moldakofahugsunarháttur virðist enn vera ríkjandi, þótt efnislega hafi menn flutt í steinsteypu.

Það er t.d. landlægur andskoti að horfa bara á brúttótekjur fólks þegar ákvarðanir eru teknar. Hvort sem um ræðir greiðslumöt, úrskurði til aukameðlaga eða samningu nýrra skattalaga.

Rætt er um breytingu skattheimtu. Ég leyfi mér að kópera texta héðan:

Einstaklingur með 250 þús. kr. mánaðarlaun myndi greiða 2.500 krónum minna í tekjuskatt á mánuði.

Einstaklingur með 400 þús. kr. mánaðarlaun myndi greiða 3.500 krónum meira í tekjuskatt á mánuði.

Einstaklingur með 550 þús. kr. mánaðarlaun myndi greiða 12.500 krónum meira í tekjuskatt á mánuði.

Einstaklingur með 800 þús. kr. mánaðarlaun myndi greiða 29.500 krónum meira í tekjuskatt á mánuði.

Einstaklingur með eina milljón króna í mánaðarlaun myndi greiða 33.500 krónum meira í tekjuskatt á mánuði.

Ok. Ég er alveg hlynntur aukinni skattbyrði á hákarla, sem hafa milljón plús á mánuði. Sem er úr kortinu. Hins vegar er hópurinn sem ég tel þorra landsmanna falla í þeir sem hafa laun á bilinu 250 til 500 þúsund.

Hverjir eru þeir sem aðeins hafa 250 þúsund mínus á mánuði? Mestmegnis fólk sem hefur ekki menntað sig og vinnur því við ófagmenntuð láglaunastörf. Hinir, sem menntuðu sig hafa vitanlega hærri laun. EN, jafnframt námslán að greiða. Alla vega flestir. Sjálfur greiði ég uþb. 300 - 400 þúsund kall á ári bara vegna námslána, svo ég nefni ekki aukameðlög. Þeir sem ekki tóku námslán borga núll. Væri ekki nær að horfa frekar á nettótekjurnar? Eru menntað og sæmilega launað fólk réttdræpt? Joð virðist telja svo vera. Velgengni virðist vera eitur í hans beinum. Þó er hann hákarl með sitt þingfarakaup og nefndarisnu.

Ég er menntaður og með sæmilegar tekjur. Ergó, réttdræpur.

Annars finnst mér, eins og fram kom í síðasta Silfri, að þeir sem setji reglurnar fatti ekki samhengi hlutanna og hvernig ein aðgerð getur haft dómínóáhrif. Hvernig skattahækkun á einum stað veltur áfram gegn um kerfið. Held við værum betur sett með tarfinn Guttorm í ráðuneyti fjármála, en hann er víst allur. Blessuð sé minning hans.

Eitruð blanda skulda og skatta

Athugasemdir

[Hörður Þórðarson, 11.11.2009 kl. 17:46]

"Ég er menntaður og með sæmilegar tekjur. Ergó, réttdræpur."

Hefði ekki getað sagt það betur sjálfur, kannski vilja þessi vinstri fífl losna við allt menntað fólk úr landinu. Pol Pot gerði það með því að drepa alla sem voru með gleraugu. Heilög Jóhanna ætlar að ná sama markmiði með því skattleggja úr þeim lífstóruna.

[Guðný (IP-tala skráð) 11.11.2009 kl. 21:26]

Ekki skil ég þessar tölur, skv mínum útreikningum (einungis þó á þeim sem eru með 1 milljón) er reikningsdæmið svona:

Manneskja með 1 milljón í laun greiddi í fyrra miðað við 37,2% skatta 372000-42000(pers.afs) = 330000.

Nú á að greiða 36,1% af fyrstu 250 síðan 41,1 og loks 47,1 af tekjum yfir 500.000, eða 36,1% af öllum launum, auka 5% fyrir 250þ og svo auka 10% fyrir 500þ = 361000+12500+50000-42000 = 381500, þetta er mismunur upp á 51.500 en ekki 32.500. Það eru 618.000 á ári.

Ef við reiknum svo út útborguð laun í fyrra eða fyrri helmingi þessa árs (1.000.000 - 330000 = 670000), þá sést að ríkið ætlar að hirða næstum heilan mánuð í viðbót af rástöfunartekjum ársins!!!!

[Eygló, 11.11.2009 kl. 23:53]

MEÐALTÖL. Oftast notuð. Snúa oftast upp á andskotann. Sbr. þegar Hreiðar Már sagði að meðaltal launa hjá Kaupþingi væri það langhæsta á landinu. Tiltölulega auðvelt þegar maðurinn var með um 63.000.000 á mánuði. Skítahrúgurnar neðar í launaþrepum, fengu alls ekki betri laun en gerðist og gekk.

BRÚTTÓ.      Þú gerir því prýðileg skil.

SAMANBURÐUR.  Þegar greint er frá verði vöru og/eða þjónustu í öðrum löndum, er oftast gefin upp krónutala hér og verðið erlendis reiknað yfir í íslenskar krónur.

Þess er ekki getið hver lengi fólk þarf að vinna fyrir mjólkinni sinni eða bensíninu eða húsaleigunni.
Þeir sem hafa ferðast vita vel að í sumum löndum finnst manni allt ódýrt og í öðrum er vítisverðlag. (Tímdi ekki að kaupa pizzu í Sviss, kostaði miklu, miklu meira en veislumáltíð hérna. Svisslendingunum fannst þetta ekki dýrt, enda launin á öðrum kvarða.  ÓSKILJANLEGAR aðferðir.

[jóka (IP-tala skráð) 12.11.2009 kl. 10:14]

Bottom line:  það er dásamlegt að búa á Íslandi í dag :)

[Brjánn Guðjónsson, 12.11.2009 kl. 13:18]

þú gefðir átt að skunda suður yfir Alpafjöllin. á N-Ítalíu færðu stóra pizzu og bjór á 4,5 - 7 €vrur. mismunandi eftir aleggi. fæst svo enn ódýrara sunnar á skaganum. með sterku salami, papriku og sveppum kostar pakkinn 5 €. stanslaus megavika þar.

bara að passa sig að biðja ekki um pizza pepperone, vilji maður kryddpylsuna, því pepperone er einfaldlega paprika og því þarf að biðja um sterka salamí-ið. kryddpylsan sem við köllum pepperone ku vera spænsk að uppruna.