IRC í dauðateygjunum?

Þegar ég fyrst tengdist internetinu, árið 1994, tengdist ég inn á spjallsvæðið IRC (Internet Relay Chat).

Allskyns rásir sem hægt var að fara inn á, þar sem mismunandi atriði voru til umfjöllunar.

Á IRC voru (og eru kannski enn) svokallaðar Warez rásir. Þar sem hægt var að nálgast allskyns hugbúnað, ef maður vildi.

Svo voru líka íslenskar rásir, þar sem íslendingar komu saman og spjölluðu.
#iceland,  #iceland18+, #iceland20+, #iceland30+, #iceland40+, ásamt mörgum öðrum rásum.

Fyrir 10 árum var líf þarna. Fólk að spjalla saman. 

Í dag er eins og það sé keppikefli allra að segja ekkert. Fari maður inn á þessar rásir nú, eru allir meira og minna „away“ tímum og dögum saman.

Nú safnast fólk saman á IRC til að þegja.

Á Jónas Fr. Jónsson að segja af sér?

Jónas Fr. Jónsson heitir maður, eða næstum því. Reyndar heitir hann ekki Fr. en það er aukaatriði.

Aðal atriðið er að maðurinn er forstjóri Fjálmálaeftirlitsins. Sama Fjármálaeftirlits og átti að hafa eftirlit með bönkunum, en í stað þess gekk í lið með þeim. Allavega samanber þessari frétt:

http://dagskra.ruv.is/sjonvarpid/4431297/2009/01/13/0/

Sé rétt sem fullyrt er í fréttinni, að Fjármálaeftirlitið. Ég endurtek „eftirlitið“ hafi lagst á sveif með einum bankanum að leggja þjóðarskútuna að veði, til að afla tekna. Ber þá enginn ábyrgð, aðrir en ég, þú og þjóðin? Eigum við að skeina fíflunum? Eigum við að þvo bakið sem skitið var upp á?

Af hverju hefur manninum ekki verið sparkað út í hafsauga? Eru allir dauðir, eða á lyfjum.

Á hvaða sveppum er ríkisstjórnin, eða þingið?

Reykjavík í eigu þjóðverja

Nú stefnir allt í að þýski bankinn Commerzbank eignist megnið af miðbæ Reykjavíkur. Um er að ræða þann hluta sem kollsteypan Samson Properties hefur átt.

Um er að ræða stóran hluta Laugavegs, Frakkastígs, Hverfisgötu, Skúlagötu og Barónstígs. Fregnir herma að við eignaskiptin munu þýskir velja ný nöfn á umræddar götur.

Badpfad, Mantelsteig, Stadtteilpfad, Schultzstraße und Baronsteig.

Nánar um málið hér.

Samson er að þrotum kominn, með fjárhagslegan niðurgang. Því læt ég hér fylgja vísu sem ég lærði sem ynglingur.

Samson hefur saddan kvið.
Sínar garnir fullar.
Ropar, hóstar, ræskir sig.
Rekur við og drullar.

Skaði Stöðvar 2 bættur

Nokkrir einstaklingar úr hópi þeirra er stóðu að óskipulögðum mótmælum á síldarplani Hótels Borgar, hafa sent frá sér yfirlýsingu þess efnis að þeir bjóðist til að borga þær skemmdir sem urðu á tækjabúnaði Stöðvar 2, eða a.m.k. hluta þeirra. Þó með því skilyrði að óháður aðili meti skemmdirnar.

Nokkuð hefur verið á reiki hverjar hinar meintu skemmdir eru. Stöð 2 hefur haldið fram að myndavélar hafi verið eyðilagðar. Þó eru engin vitni að slíku.

Þó mun liggja ljóst fyrir að vídeókapall hafi skemmst. Líklega skorinn sundur, eða gasaður í spað. Einnig herma heimildir að framlengingarsnúra úr BYKO hafi eyðilagst.

Kapallinn er af vandaðri gerð. 10 metra langur með gullhúðuðum tengjum. Hann mun ekki hafa kostað undir fjögur þúsund krónum. Fjöltengið var fimm tengja, jarðtengt og með rofa. Verð þess mun vera í kring um tólf hundruð krónur.

 

Söfnun er þegar hafin. Þeir sem vilja leggja sitt fram er bent á að snúa sér til norðurs.

Bjóðast til að greiða skaða Stöðvar 2

Ólafur Darri, hinn sértæki hagsmunaaðili sumra

Í speglinum, á Rás 1 Ríkisútvarpsins, var viðtal við Ólaf Darra. Er hann ekki hagfræðingur? Allavega einhver fræðingur. NB. á launum hjá ASÍ.

Honum fannst ekki vænlegt að fikta í vísitölunni, varðandi húsnæðislán. Enda er vísitalan heilög fyrir verkalýðs- og lífeyrisliðinu.

Það væri ekki nógu gott. Það kæmi eins niður á öllum(!!). Já, hann sagði það.

Betra væri að fara í sértækar aðgerðir þar sem ungu fólki væri hyglað á kost þeirra eldri. Vitanlega burtséð frá skuldastöðu. (Er ekki íslenska jafnræðið yndislegt?)

Nei. Það er ekki nógu gott að hafa hreinar línur og láta jafnt yfir alla ganga. Betra að hafa sérhagsmunareglur og slatta af undantekningum. Reglu- og undantekningafrumskóg.

Tarzan. King of the jungle. 

Búið.

Ætla að gæða mér á banana.

Heilbrigðisfroða

Gulli heilbriggðs var í Kastljórinu í kvöld.

Hann froðufelldi ekki, en úr honum vall þó froða, sem ég man ekki helminginn af.

Hann vill ekki einkavæðingu, en hann vill einkarekstur (!?!!?)

Hvað er einkavæðing og hvað einkarekstur. Jú, einkavæðing er þegar ALLT er í einkarekstri. Einkarekstur þegar eitthvað er í einkarekstri. 99,9% einkarekstur er þá ekki einkavæðing, strangt til tekið.

Svona eins og í BNA. Þar eru til ríkisspítalar. Ætlar samt einhver að reyna að halda fram að kerfið þar sé ekki einkavætt?

Þetta heitir orðhengilsháttur í mínum kokkabókum. Sérfræðisvið löffa.

Maðurinn er að einkaVÆÐA.

Punktur.

Júragarðurinn og Jóhanna Guðrún

Nú er Júragarðurinn í fullum gangi á RÚV.

Reyndar finnast mér lög kvöldsins einhvernvegin virka eins á mig, þótt ólík séu. Mér finnst vanta einhvern grípanda í þau, án þess ég ætli að dissa þau eitthvað. Öll vel flutt.

Síðasta lagið söng hún Jóhanna Guðrún, hvers föðurnafn ég man ekki. Alveg ótrúlega mögnuð söngrödd.

Ég man, fyrir átta árum eða svo. Þá átti dóttir mín disk þar sem Jóhanna Guðrún söng. Þá var Jóhanna kannski 12 ára eða svo. Samt með alveg ótrúlegt vald á sinni þroskuðu rödd. Mér fannst það magnað. Óaðfinnanlegur söngur fannst mér þá.

Nú hefur hún elst um jafnmörg ár og við hin. Orðin fullorðin kona og með enn þroskaðri rödd.

Klárlega ein af okkar allra bestu söngkonum.

.......

Og auðvitað komst hún áfram. Klárlega röddin frekar en lagið sem gerði það.

Nafnlausir bloggarar eru ekki alveg ósýnilegir. Gott mál

Um áramót breyttust reglur Moggabloggsins á þann veg að svokallaðir nafnlausir bloggarar fá ekki að að tengja bloggfærslur við fréttir á mbl.is. Eins var þeir ekki að birtast á forsíðu blog.is.

Líklega var það misskilningur hjá mér og mörgum öðrum, að halda forsíðu blog.is vera alla síðuna sem birtist, sé farið inn á blog.is (mbl.is/mm/blog/). Líklega er einungis átt við stórhausana átta sem birtir eru efst og flipann „Nýjustu færslur“ fyrir neðan, því undir flipunum „Heitar umræður“ og „Úr bloggflokknum“ birtast nafnlaus blogg.

Sumir birta engar upplýsingar. Aðrir aðeins netfang og enn aðrir birta nafn. Þó ekki á hinn staðlaða hátt sem blog.is gerir kröfu um.

Hinir nafnlausu þurfa því ekki alveg að örvænta. Þeir eru ekki alveg gufaðir upp, þótt vissulega séu þeir ekki eins sýnilegir.

Sjálfur birtist ég einungis undir flipunum. Þó hef ég nafn. Ég hef aldrei birst sem staurhaus. Þar birtist einungis „málsmetandi fólk“ sem er í vínarbrauðselítunni.

Áríðandi!

Tilkynning frá bloggvinkonu minni, henni Láru Hönnu.

Reyndar verð ég að heppa öðrum hnöppum, á sjötugsafmæli móður minnar heitinnar, með fjölskyldunni.

Ég skora á alla sem ekki hafa merkilegri hnútum að hneppa, s.s. að horfa á enska fótboltamenn í vinnunni, eða að horfa á 58 þáttaröð af Guiding Light, að mæta.

Grams

Kom seint heim í kvöld. Í nótt öllu heldur. Var heima hjá systur minni að gramsa í kössum sem innihéldu ýmislegt frá foreldrum mínum.

Fann þar m.a. gamlar myndir af mér sem polla, með foreldrum mínum, í útlöndum. Nánar tiltekið á Mallorca sumarið 1974 og á Costa del sol sumarið eftir. Nú þarf að verða sér úti um skanna og koma þessu öllu á rafrænt form. Eins þarf ég að verða mér úti um segulband (kassettutæki) sem hefur „line out“ tengi, til að koma hjóðsnældum á rafrænt form, sem teknar voru á Costa del sol, 1975. Upptökur þar sem ég syng Viva España, við góðar undirtektir  tæplega sex ára.

Tók smá sýnishorn. Bara fjórar myndir sem ég tók af myndunum, með farsímanum. Svona til gamans.

Þess má geta að móðir mín hefði orðið sjötug í dag. Til hamingju elsku mamma.