Hvernig getur svona gerst?

Ég var að skoða erlendan fréttavef þar sem fjallað er um hið ömurlega mál sem upp kom í Austurríki fyrir fáeinum dögum, þar sem maður hélt dóttur sinni fanginni í 24 ár og gat henni 7 börn. Ekki er langt um liðið síðan annað mál kom upp í Austurríki. Þar hafði 18 ára stúlka sloppið undan manni sem hélt henni í prísund í 8 ár.

Hvernig stendur á að svona hlutir geti gerst? Fólki haldið í fangelsi árum saman án þess að nokkurn gruni neitt?

Þetta er allt of sorglegt til að hafa í flimtingum, en ég spyr mig þó þeirrar spurningar hvort Austurríska lögreglan sé að standa sig. Er ekki kominn tími til að skipta út lögregluhundinum Rex og fara að vinna vinnuna sína?

Þetta er óheyrilega sorglegt.

Athugasemdir

[Tiger, 1.5.2008 kl. 14:30]

Ég er algerlega sammála þér með að þetta sé hið sorglegasta mál, öll svona mál eru hreint ótrúleg og óskiljanleg. Undarlegast af öllu þykir mér aðstandendur sem bara sætta sig við "bréf" sem segir - "ég er farin, ekki leita af mér". Ég myndi snúa heiminum við ef ég fengi svona bréf frá einhverjum ættingja mínum, sama hver væri. Spurning með að bæta við fleiri hundum í stað lögreglumanna þarna úti .... *flaut*. Leysir Rex hvort eð er flest málin - eða stuðlar að því að brotamenn finnast ætíð .. eigðu góðan dag kæri bardagamaður. Skemmtileg bloggin þín og alltaf frábært að lesa þig ljúfurinn...