Fjas

Föstudagur, 2. maí 2008

Gengur dæmið upp?

Er hægt að fara inn á 780.000 vefsíður á 9 mánuðum, á vinnutíma? Fræðilega er það líklega hægt, en varla raunhæft.

Nú veit ég reyndar ekki hvernig vinnutíma Japana er háttað. Hve marga tíma á dag þeir vinna eða hve marga daga vikunnar. Gefum okkur, í gamni, að maðurinn hafi unnið alla daga, 10 tíma á dag. Til að einfalda dæmið segjum við að hver mánuður séu 30 dagar.

Þá eru 9 mánuðir = 270 dagar. 780.000 síður á 270 dögum eru 2.889 síður á dag. 2.889 síður á dag gera þá 289 síður á klukkustund, á 10 tíma vinnudegi, sem gera aftur 4,8 síður á mínútu. Síða á 12,5 sekúndna fresti.

Gerum við ráð fyrir að maðurinn hafi eytt tíma í að skoða síðurnar, en ekki bara flett og flett, hefur hann ekki bara haft lítið að gera í vinnunni. Hann getur ekki hafa gert nokkurn skapaðan hlut. Reyndar hlýtur hann að hafa þurft að vinna mikla yfirvinnu til að ná þessum 780.000 síðum á 9 mánuðum.

	Horfði 780 þúsund sinnum á klám í vinnunni
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Breytt s.d. kl. 15:35 | Facebook

Athugasemdir

jújú, meina hann hefur varla grandskoðað þær en þetta á alveg að vera hægt. Svo eru meistarasmiðir klámsíðna snillingar að smíða síður sem opna margar aðrar og jafnvel leggjast á tölvuna án þess að þú vitir það.

Nanna Katrín Kristjánsdóttir, 2.5.2008 kl. 15:40

en mér er það til efs að maðurin hafi horft 780.000 á klám á þessum 9 mánuðum, eins og segir í fréttinni. bara það að lesa kommentið þitt hefur líklega tekið mig 12,5 sekúndur, enda les ég hægt.

Brjánn Guðjónsson, 2.5.2008 kl. 15:53

Sammála þér Brjánn. Var einmitt búin að reikna þetta út. Ef maðurinn fer aldrei frá tölvunni og situr í 24 tíma við hana þá kemst hann yfir að "horfa" á 2 síður á mínútu. Einhvernveginn gengur þetta ekki upp og kannki spurning hvort vírusinn sem fannst og upplýsti málið hafi kannski verið einhverskonar klámvírus og leikið lausum hala eftir að maðurinn fór heim.