Enduruppsetning fyrstu forsetatölvunnar lokið

Ólafur Ragnar Grímsson, forseti Íslands, mun á morgun taka á móti forsetatölvu frú Vigdísar Finnbogadóttur, sem nýlega hefur verið enduruppsett. Tölvan er i486 vél af gerðinni Packard Bell, frá árinu 1994.

Tölvan var gjöf þáverandi Bandaríkjaforseta, Bill Clinton, til frú Vigdísar. Tölvan er eign Þjóðminjasafns Íslands en mun verða geymd á Bessastöðum og notuð við hátíðleg tilefni.

Tölvan mun verða til sýnis á Bessastöðum klukkan 15 á sunnudag. Við það tækifæri mun jafnframt hópur félaga í Tölvunördaklúbbi Íslands heimsækja Bessastaði með gömlu tölvurnar sínar.

Tölvan er með Intel 486sx örgjörva og með 4MB minni, 512MB disk, 1MB skjákort, 14" SVGA skjá og innbyggðu 14.4Kbps mótaldi. Hún keyrir Windows 3.1 og er hlaðin forritum, ss Netscape 1.0 og Norton Disk Doctor.

Endurgerð fyrsta forsetabílsins lokið

Athugasemdir

[Einar Indriðason, 2.5.2008 kl. 18:25]

Ekki gleyma Sidekick!  Algjört must!

[Brjánn Guðjónsson, 2.5.2008 kl. 18:28]

alveg örugglega þarna líka, enda tölvan fullbúin öllu því nýjazta og bezta

[Brjánn Guðjónsson, 2.5.2008 kl. 18:28]

gleymdi alveg að nefna að tölvan er meira að segja með internettakka á lyklaborðinu

[Stebbi (IP-tala skráð) 2.5.2008 kl. 21:12]

Gott að sjá að það eru til bloggarar með húmor og væla ekki undan skattpeningum í öðruhverju orði.  Var græjan ekki annars með bæði 3.5" og 5.1/4" drifi ?

[Hjalti Garðarsson, 2.5.2008 kl. 22:03]

Þetta er forsetatölva númer 2.  Fyrsta forsetatölvan var Sinclair ZX Spectrum.

Tölvan var gjöf þáverandi forsætisráðherra Bretlands, Margretar Thatcher, til frú Vigdísar. Tölvan er eign Þjóðminjasafns Íslands en mun verða geymd á Bessastöðum og notuð við hátíðleg tilefni.

Tölvan var með 16KB ROM og 16KB RAM, skjáupplausn var 256x192.  Tölvan var einnig með innbyggðum hátalara sem gat ráðið við 10 áttundir.  Hægt var að hlaða inn leikjum af kassettutæki og einnig var hægt að forrita í BASIC forritunarmálinu.

Uppáhaldsleikir frú Vigdísar voru Rebelstar og Thundarr the Barbarian.

[Sigurbjörn Friðriksson, 3.5.2008 kl. 02:26]

Góðir!!  Nú er í lagi að kaldhæðnast smá!!

[Brjánn Guðjónsson, 3.5.2008 kl. 04:17]

góður Hjalti!

hefði samt frekar viljað sjá Atari 400 þarna. 16K og græjur

[Brjánn Guðjónsson, 3.5.2008 kl. 04:26]

ég er illa svikinn hafi frú Vigdís aldrei spilað Manic Miner

[Brjánn Guðjónsson, 3.5.2008 kl. 10:54]

ég spilaði Miner 2049er á Atari. geri forsetinn betur