Hjónum bjargað

Eldri hjónum, sem lagt höfðu á Hvannadalshnjúk, var farsællega bjargað nú undir kvöld. Hjónin, sem eru um áttrætt, fengu þá flugu í höfuðið að klífa hæsta fjall landsins áður en ævin yrði öll. Starfsmaður elliheimilisins Grundar, þar sem hjónin búa, ók þeim að rótum fjallsins þaðan sem þau lögðu upp.

Er þau voru u.þ.b. hálfnuð festi konan göngugrind sína í íssprungu. Þá hringdu þau í 112 og ákváðu að halda kyrru fyrir þar til hjálp bærist. Björgunarsveitin Ögmundur, frá Höfn, brást eins skjótt við og unnt var. Reyndar tók um 4 tíma að komast upp á fjallið, en fyrsti tíminn telst ekki með, þar sem björgunarsveitarmenn voru þá uppteknir yfir Mythbusters, á Discovery channel. Með dyggri aðstoð Landhelgisgæslunnar var hjónunum komið niður af fjallinu.

Bjargað af hálendinu

Athugasemdir

[Ingibjörg, 27.5.2008 kl. 22:24]

æii krúttin ég hefði viljað sjá þau

[Jenný Anna Baldursdóttir, 28.5.2008 kl. 16:57]

Frábær leið til að enda ævina.  Drepa sig á hæsta tindi.

Bara ef satt væri þarna villingurinn þinn.

[Jenný Anna Baldursdóttir, 28.5.2008 kl. 16:58]

Eru þessi hjón nokkuð á myndinni í síðuhausnum hjá þér?  Muhahahahaha

[Brjánn Guðjónsson, 28.5.2008 kl. 18:35]

þau komust ekki í síðuhausinn sökum ónægrar fjasgirni

[Brjánn Guðjónsson, 28.5.2008 kl. 18:37]

en Jenný mín, þau enduðu ekki ævina. þeim var bjargað, farsællega