Knattspyrnuleg fryggð

Ég hef verið að fylgjast með leik Frakka og Hollendinga. Með árunum hefur fótboltaáhugi minn dvínað og helst ég nenni að kíkja á leiki á stórmótum, ss. HM og EM. Best takist mér að halda með öðru hvoru liðinu. Annars nenni ég ekki að horfa á menn tuðrast í einn og hálfan tíma. Nenni td. ekki að fylgjast með ensku firmakeppninni á veturna.

En aftur að leik Frakka og Hollendinga. Ég hef nú ekki séð alla leiki á EM, en af þeim sem ég hef séð finnst mér þessi skemmtilegastur. Þó er hann bara hálfnaður. Mér finnst verst að Hollendingar virðast haldnir þessum sömu hvötum og algengar eru meðal liða, að draga sig til baka komist þeir yfir. Að horfa á spil Hollendinga veitir knattspyrnulega fryggð. Alveg frábært samspil. Frakkarnir hafa sýnt ágæta takta en ekki eins sexy bolti samt.

Bóbó, niðursetningur, sýnir þessu ekki sama áhuga. Bíbmundur, eins og ég ávarpa hann gjarnan í bland við hans rétta nafn. Hann hefur meira einbeitt sér að naga hitt og þetta í búrinu sínu. Þó lætur hann í sér heyra þegar ég stend upp og hverf úr augsýn. Þá kalla ég til hans og læt hann vita af mér. Ég hafi ekki yfirgefið pleisið.

Svo er spurningin hvernig síðari hálfleikur fer. Hvort Bóbó nái að naga meira en íþróttafréttamennirnir. Þar liggur spennan.

Athugasemdir

[Jenný Anna Baldursdóttir, 13.6.2008 kl. 19:54]

FRRRRRRRRRRRRRRRRRUuuuuuuuuusssssssssssssssssssssss

[Brjánn Guðjónsson, 13.6.2008 kl. 20:11]

gættu bara að bleyta ekki allt bloggið mitt, jenný mín. það gæti orðið mikil vinna að þerra það allt.

[alva (IP-tala skráð) 13.6.2008 kl. 20:39]

já, þetta er eini leikurinn sem ég hef séð í keppninni...mér fannst nike bolirnir sem Hollendingarnir spiluðu í GEGGJAÐIR, mig langar í svona!! Svo er Robbins sætur...flottur rassinn á honum, semsagt svona horfi ég á fótbolta, hehe..

[Brjánn Guðjónsson, 13.6.2008 kl. 20:48]

það skemmtilega við fótboltann er að hver getur horft á hann á sínum forsendum