Heimsskortur á rofum

Ástandið í rafvörugeiranum hefur verið bagalegt undanfarið. Ljósarofar hafa t.d. verið illfáanlegir vegna gífurlegrar eftirspurnar.

Sigrún Karlsdóttir, innkaupastjóri Rafvöruverslunarinnar, segir þetta ekki hafa verið svo slæmt hérlendis. „Við höfum átt svo mikið á lager að ástandið hér hefur verið skaplegt“ segir Sigrún. „Nú er þó svo komið að allir rofar eru uppseldir, utan einstaka dyrabjöllurofa. Það seldist allt upp fyrir helgina, en sending er á leiðinni sem ætti að koma í hús síðdegis á morgun.“

Rafvirkjum landsins er því bent á að sleppa ölinu á morgun. Það verður nefnilega haldið áfram að vinna hinn daginn.

„Rofar til síðdegis á morgun"

Athugasemdir

[Signý, 21.7.2008 kl. 18:42]

hehehehehe! Vá hvað ég er ekki beittasti hnífurinn í skúffunni í dag, þurfti að lesa fyrirsögnina alveg þrisvar til að tengja "rofar til" við eitthvað annað en skýin og sólina.  En mikið var þetta mikið mun fyndara þegar ég fattaði þetta!

[Lára Hanna Einarsdóttir, 21.7.2008 kl. 19:43]

Það er gaman að leika með orð...  Góður! 

[gunna (IP-tala skráð) 21.7.2008 kl. 20:45]

Útsalan í fullum gangi. (Hvað var gangurinn að drekka?)

[Brjánn Guðjónsson, 21.7.2008 kl. 21:44]

ótæpileg kaffidrykkja getur valdið tímabundini heilabilun

[Tiger, 21.7.2008 kl. 22:03]

  Hahaha ... óborganlegur bara eins og sumir segja! Ertu nokkuð úr Rofabæ?

Alltaf jafn gaman að skoða þig boxari góður - alltaf jafn létt á því hjá þér!

Knús og kram á þig ljúfurinn og hafðu góða nóttina ..

[Anna Einarsdóttir, 21.7.2008 kl. 23:32]

Þá er bara að sofa með kveikt ljós. 

Þú færð prik fyrir þennan. 

[Guðbjörg Erlingsdóttir (IP-tala skráð) 23.7.2008 kl. 00:13]

Aðalrofinn hjá mér hefur einmitt verið eitthvað slappur slær út endalaust!

Fegin að þessi skortur er á enda, spurning samt hvort fáist iðnaðarmaður í verkið?

Ofurskutlukveðja