Halló! Einhver heima?

Ég er ekki djúpt sokkinn í fréttafíknina. Tek þó fréttafyllerí annað slagið. Dags daglega glugga ég annað slagið á mbl.is og visir.is og stundum á aðra vefi. Ég hef gjarnan tekið eftir að meðan fréttirnar rúlla inn á visir.is er mbl.is ansi statískur, svo ég sletti smá.

Hvað gerist svo í dag? Ég hélt að nóg gengi á í samfélaginu þessa dagana, sem mætti skrifa um. Til dæmis fréttin á visir.is um að menntamálaráðherra Sjálfstæðismanna hafi sent Seðlabankastjóra tóninn. Mér finnst það í raun stórfrétt, að Sjálfstæðismaður skyldi yfir höfuð dirfast að nefna Davíð Oddsson á nafn án þess að gera það í hallelújastíl.

Nei nei. Hvað gerist þá á mbl? Birtist frétt um það? Ó nei. Bara fyrsta forsíðufréttin um skrautdúfur í nágrenni álvers.

Döh!

Skrautlegir nágrannar álvers

Athugasemdir

[Jenný Anna Baldursdóttir, 2.10.2008 kl. 17:25]

Ég hélt að það væri "lútígólf" þegar nafnið hans Oddsonar bæri á góma hjá íhaldinu.

Rosaleg vanvirðing er þetta.

[Brattur, 2.10.2008 kl. 21:14]

... það eru stór tímamót að Sjálfsstæðismaður skuli þora að gagnrýna Mr. Oddson... Ætli maður megi ekki skjóta upp flugeldum í kvöld?

[Lára Hanna Einarsdóttir, 2.10.2008 kl. 21:22]

Kíktu á þetta, Brjánn.

[Brjánn Guðjónsson, 3.10.2008 kl. 10:03]

þeir hafa þá hundskast til að setja inn frétt um þetta, þremur tímum á eftir Vísi.líklega hafa þeir lesið bloggið mitt