Aukin hagræðing með tilfærslu frídaga

Nokkrir þingmenn framsóknarflokksins hafa lagt fram þingsályktunartillögu um breytta skipan frídaga. Í upphafi var ætlunin einungis að tiltaka þá 6 frídaga sem lenda á mismunandi vikudögum milli ára. Tilgangurinn mun vera sá að ná þannig fram betri framleiðni í þjóðfélaginu sem og betri nýtingu frídaganna. Eftir fyrstu umræðu þótti rétt að tiltaka einnig þá 7 frídaga sem ávallt lenda á sömu vikudögum. Þannig megi ná fram enn frekari samlegðaráhrifum. Eftri enn frekari umræður og yfirlegu þótti réttast að tiltaka einnig hina 104 frídaga sem jafnan koma upp á laugar- og sunnudögum. Með því móti yrði öllum tryggt gott 117 daga sumarfrí, að viðbættu hinu hefðbundna 24 daga sumarfríi. Þannig mætti leggja niður alla innlenda starfsemi í 141 dag á ári, með tilheyrandi rekstrarhagræðingu upp á 38,6%

Frídagar með reikisamning eru; nýjársdagur, 1. maí, 17. júní, aðfangadagur jóla, jóladagur, annar í jólum.

Frídagar á föstum samningi eru, fyrir utan laugar- og sunnudaga; skírdagur, föstudagurinn langi, annar í páskum, sumardagurinn fyrsti, uppstigningadagur, annar í hvítasunnu, frídagur verslunarmanna.

Lagt til að frídagar verði fluttir

Athugasemdir

[dr. Egel Egeleken (IP-tala skráð) 9.10.2008 kl. 21:29]

Mjer finnst þetta svolítið klént hjá þér Brjánn. Inni í þetta vantar 24 lögboðna veikindadaga (=153), að auku ef þú átt 2,1 barn þá áttu 16 veikindadaga fyrir bæði börn (=165 ), að því gefnu að getnaður hafi átt sér stað í Vatíknainu undir eftirliti Páfa. Nóg um það, við getnað þessara 2,1 barna eiga for-eldrar rjett á 2,1 eins árs fæðingarorlofi, sem á 30 ára starfsævi leggur sig út á ( 2,1 x 365 / 30) eða á mannamáli 25,55 dagar, námundað í 26. ( =191 ) Samtals eru þetta þar af leiðindi 191 dagur á ári eða hagræðing upp á 52,32%! Ekki veitir af á meðan jólasveinarnir eru í Seðlabanka ykkar.

P.S. Jeg sleppti vísvitandi Hlaupársdegi, enda ekki nema fjórungsdagsræfilsgrey.

Beztu kveðjur af Jan Meyen, dr.  Egel Egeleken.

P.S.S. Skrambi kalt hjer.

[Brattur, 9.10.2008 kl. 21:55]

... þá veit maður hvaða flokk maður kýs næst...

[Brjánn Guðjónsson, 10.10.2008 kl. 08:33]

Tak for det Egel, min kære ven