Graðhestamúsík

Mér urðu minnisstæð orð föður míns heitins, sem hlustaði ekki á annað en klassíska tónlist. Þegar eitthvert okkar afkvæma hans spilaði eitthvað harðara en Ragga Bjarna eða Hauk Morthens, var talað um graðhestamúsík.

Með smá uppfærslu á hugtakinu, þá er rokk og ról ekki graðhestamúsík í mínum eyrum. Ég er kominn í hlutverk aldraðs föður sem á börn sem farin eru að hlusta á aðra tónlist en eitthvert barnalagavæl.

Sem betur fer virðast þau hafa þróað með sér þolanlegan tónlistarsmekk, þótt ég sé ekki endilega að pissa á mig af hrifningu yfir öllu því sem þau hlusta á.

Rétt áðan var verið að spila upptöku af Músíktilraunum á RÚV. Þátturinn hófst á þvílíku harðlífisrokki að ég þurfti að herpa mig allan til að halda hægðum. Þvílikt og annað eins. Ef trallallæ hefði verið skilgreint, af pabba gamla, sem graðhestamúsík þá veit ég ekki hvað skyldi kalla þetta.

Endaþarmstónlist. Fretmettaða tónlist, Saurþjöpputóna, Ælugleypitónlist, ...

 

Þá bið ég heldur um eitthvert ræræræ með Hauki Morthens eða Ragga Bjarna.

Athugasemdir

[Brandur (IP-tala skráð) 13.11.2008 kl. 00:13]

Þú ert að tala um útrásarsöng, er það ekki.

[Brjánn Guðjónsson, 13.11.2008 kl. 00:52]

þetta sem ég heyri er meira í líkingu við saurrásarsöng

[Ingunn Valgerður Henriksen (IP-tala skráð) 13.11.2008 kl. 02:48]

hahah mr fjasmann .............. eins og talað út úr mínu hjarta, að það skuli vera leift að kalla þetta tónlist.

[alva (IP-tala skráð) 13.11.2008 kl. 08:35]

Blessað ungviðið ;)

[Thee, 13.11.2008 kl. 09:21]

[Steini Tuð (IP-tala skráð) 13.11.2008 kl. 10:46]

Brjánn þér finst allt sem að er harðara en Páll Óskar vera graðhestamúsik!

þarft að læra að meta gott svona gobbidí gobb, það er eðal sko :) 

[Brjánn Guðjónsson, 13.11.2008 kl. 12:04]

þetta var ekki gobbeddígobb, þetta var eins og að hlusta á stungna grísi. hefði strax verið mun skárra, instrumental.

[Halla Vilbergsdóttir, 13.11.2008 kl. 14:43]

Endaþarmslög....hummmm ég á eitt. Manstu það er ekki svona brjálað hehehe

[Brjánn Guðjónsson, 13.11.2008 kl. 16:55]

nei, enda er það allt annað. þar er sungið UM endaþarm, en ekki MEÐ endaþarmi

[101moi (IP-tala skráð) 13.11.2008 kl. 21:47]

Tja ég man þá tíð að Iron Maiden þótti harðkjarna nú gæti Raggi Bjarna gert ábreiðu með þeim..

Kgb gamle ven...:)

[Brjánn Guðjónsson, 13.11.2008 kl. 23:30]

Iron maiden eru meira í hestamannamúsík en þarmagauli

[Isis, 14.11.2008 kl. 01:24]

Það er nú ástæða fyrir því að þessi tónlistarsamkunda heitir, kallar og gengur undir nafninu Músíktilraunir...

Músíktilraunir, þá er orðið tilraunir eitthvað til þess að hafa sérstaklega í huga þegar hlustað er á tónlistarfólk, krakka oftar en ekki, í þessari keppni...

...ohh... I just had to... 

takk fyrir kaffið!

Bessewiser 

[Brjánn Guðjónsson, 14.11.2008 kl. 11:19]

úff, fyrr mega nú vera tilraunirnar.

ættu að kallast Músíkþolraunir

[Thee, 14.11.2008 kl. 15:37]

Það sem Loga gutta þykir gott og gilt
þykir Brjáni pabba vera heldur villt

[Brjánn Guðjónsson, 14.11.2008 kl. 18:58]

neinei, þetta er allt hitt besta mál. þau eru bæði, föðurbetrungarnir, með prýðilegan smekk og alls ekki hlustandi á þarmagaul. þau eru meira í léttmetinu, eins og gamli.