Auðvitað hefur allt verið planað

Ætli aðildarviðræður hefjist ekki strax á útmánuðum, ef ekki fyrr.

Eins og annað, innan Sjálfstæðisflokksins, hafa ákvarðanir verið teknar í reykfylltum bakherbergjum, eða reyklausum. Ákvörðunin um breytta stefnu í €vrópumálum. En vitanlega verður skipuð nefnd og allt fær hið fágaða og formlega útlit. Menn kunna sig alveg sko, enda mikil snyrtimenni þar á ferð.

Svo ég gerist ósamkvæmur sjálfum mér, sem tíska er um þessar mundir, verð ég að segja að ég græt leynimakksvinnubrögðin ekki svo mjög. Ég er nefnilega hlynntur aðildarviðræðum. Það er eina leiðin til að fá botn í hvort €vrópa sé málið fyrir okkur eður ei.

ESB býr sig undir umsókn frá Íslandi

Athugasemdir

[Höskuldur P. Magg. (IP-tala skráð) 11.12.2008 kl. 16:06]

Hmmmm.  Þetta er grunsamlegt.  Voðalega liggur þeim á að fá okkur í ESB.  Hvað liggar þarna á bak við?  Ég hef ekki kynnst ESB sem neinni góðgerðarstofnun.  Allir sáu nú hvernig þeir tóku Ísland í rassgatið út af IceSave.  Okkur var hreinlega stilt upp við vegg og við látin taka á okkur drápsklyfjar marga áratugi fram í tímann.

Hvað er það eiginlega sem ESB girnist á Íslandi?  Þetta getur nú ekki boðað neitt gott.  Við ættum nú athuga hvað það er sem að ESB vill í rauninni hjá okkur. 

Þetta er hreinlega "too good to be true" hversu þeir er opnir fyrir því að fá okkur í ESB þegar samningsaðstaða okkar gagnvart ESB er alveg afleit. 

[Brjánn Guðjónsson, 11.12.2008 kl. 16:27]

græða aðgerðin, svokallaða. þeir vilja komast yfir Kjörís, ORA og VG.

grænu hlunkarnir og baunirnar þykja nefnilega bera af í veröldinni og ung þingkona VG þykir vænleg til undaneldis.

[Brjánn Guðjónsson, 11.12.2008 kl. 19:01]

græna aðgerðin, vildi ég sagt hafa