Dagurinn í dag

Ég hitti föðurbetrungana í dag. Fórum saman í bröns til systur minnar, sem er að fara af landi brott eftir áramót.

Kjarnakvendið er á leið til Líberíu, í friðargæslu. Sem betur fer er frekar friðsamt þar og mín elsku systir verður ekki vopnum vædd í stórhættu. Nei, en hún mun hinsvegar starfa í nánum tengslum við UNIFEM, að reyna að bæta kjör kvenna þar, hafi ég skilið hana rétt. Ég ér ógó stoltur af henni systur minni.

Dóttir hennar, hún Birna Dís, sem hefur verið erlendis í marga mánuði, var á staðnum. Hún verður samt farin aftur fyrir jól. Elsku Birna Dís. Svo flott stelpa, eða kona, orðin 21 árs.

Það verður erfitt að hafa ekki stóru sys í svona langan tíma, en samt örugglega erfiðara fyrir hennar ektamann. Hann á þó alltaf tengdafrændamág sem hann getur alltaf leitað til með allan sinn beturvitringsskap.

Kannski er kreppa, en ég er svooooo ríkur

Athugasemdir

[Jenný Anna Baldursdóttir, 20.12.2008 kl. 20:47]

Ég skil þig.  Er sjálf að kafna úr samskonar auglegð og upp að því marki að ég geng um hálf vælandi þessa dagana.  Jólin að koma og svona.

Dúlla ertu.

[Brattur, 20.12.2008 kl. 23:00]

... akkúrat málið... maður er bara ríkari eftir kreppuna ef eitthvað er...