Staddur í absúrd auglýsingu

Sumir hafa gjarnan tekið þannig til orða að þeim líði eins og væru staddir í skáldsögu. Oft hefur maður heyrt þá líkingu undanfarið, varðandi ástandið á Íslandi.

Þar sem ég les helst aldrei, hef ég litlar forsendur til að tala þannig. Ég segi frekar að mér líði eins og staddur væri í Orkuveituauglýsingunni. Þessari absúrd, þið munið.

Mér kæmi ekki á óvart að lausn hins pólitíska harðlífis sé marineraður hákarl, eða eitthvað álíka fáránlegt.

Verð að viðurkenna að ef ekki verði sett á fót utanþingstjórn, eru fáir þingmenn sem njóta nægilegrar virðingar til að leiða nýja stjórn en Jóhanna Sig. Kannski hennar tími sé kominn?

Eftir mánaðalangan bölmóð og vonleysi fann ég ögn af bjartsýni í brjósti mér í dag, þegar forseti talaði um nýtt stjórnskipulag. Það er eitthvað sem ég vil sjá og finnst gott að hann hafi ljáð máls á því. Menn mega deila um hvaða vald hann hafi til að setja skilyrði, en vissulega hefur hann rétt á, sem þegn þessa lands, að tjá skoðanir sínar.

Ég vona að ráðamenn munu hana kjark og þor til að veita því málefni brautargengi. Núverandi skipulag er rotnara en þorramatur. Því við hæfi að bæta það nú, á þorranum.

Ný ríkisstjórn í kortunum?

Athugasemdir

[Brattur, 26.1.2009 kl. 20:45]

Nýtt stjórnskipulag hljómar eins og fögur melódía í mín eyri...kjósa fólk en ekki flokka... kjósa forsætisráðherra beinni kosningum o.s.frv. - hákarl er bragðvondur, en sagður góður fyrir magann... kannski gott fyrir verðandi ríkisstjórn að fá sér hákarlsbita á morgnanna... þá er magi í lagi...

[Brjánn Guðjónsson, 26.1.2009 kl. 21:01]

trúi varla að hákarl sé góður fyrir magann. hann er í besta falli góður fyrir ekkert.

skemmdur matur er ekki góður!

[Brattur, 26.1.2009 kl. 21:33]

... þetta er ótrúleg Brjánn... en þetta segja þeir sem vit þykjast hafa... en af tvennu illu vildi ég nú heldur éta hákarl, heldur en að hákarl éti mig...

[Eva , 26.1.2009 kl. 23:11]

Bíddu bíddu erum við ekki að tala um sama forsetan og lofaði og dásamaði alla þessa útrás ?

Annars er ég sammála :)

[Brjánn Guðjónsson, 27.1.2009 kl. 16:30]

við getum verið sammála um það Brattur

rétt Eva Lind. þá var hinsvegar austanátt, með hlýindum. nú hefur vindur snúist og blæs að suð-vestan, með tilheyrandi slagviðri. þá vitanlega snýst forsetinn einnig

[Eva , 27.1.2009 kl. 17:40]

okei já ég skil voðalega get ég verið mikill vitleysingur