Stórhausar bloggsins

Hef stundum velt því fyrir mér, hvað þurfi til að verða stórhaus á blogginu.

Mitt mat er þetta:
Að vera pólitíkus garanterar stórhausinn
Að vera frægur garanterar stórhausinn.
Að vera „málsmetandi maður“ hjálpar.
Að vera langtíma maraþon bloggari hjálpar líklega.
Að vera sæmilegur maraþonbloggari og undirlægja stjórnmálaflokks virkar vel.
Að heita Vilhjálmur og búa í Köben virkar vel.
Að vera í réttum flokki virkar vel.

Ég hef reynt þetta:
Að blogga bara eitthvað af viti, en hefur ekkert að segja.
Að blogga bara tóma steypu, en hefur ekkert að segja.
Að blogga nógu oft, en hefur ekkert að segja.
Að blogga nógu krassandi, en hefur ekkert að segja.
Að blogga siðprútt, en hefur ekkert að segja.
Að blogga alls ekki neitt, en hefur ekkert að segja.

Líklegar skýringar:
Ég er ekki pólitíkus.
Ég er ekki frægur.
Ég er líklega ekki  „málsmetandi maður.“
Ég hef prófað að gerast maraþonbloggari. Það dugði ekki.
Ég heiti ekki Vilhjálmur.
Ég er óflokksbundinn.

Ég á bara eftir að prófa að heita Vilhjálmur og/eða að skrá mig í réttan flokk. 

Gaman væri að vita hvað ræður.

Athugasemdir

[Sæmundur Bjarnason, 21.5.2009 kl. 00:04]

Hvaða vitleysa er þetta Brjánn minn. Víst ertu stórhaus. Ef þér finnst myndin þín birtast of sjaldan meðal annarra stórhausa þá skaltu bara skrifa Moggabloggsguðunum. Ég hélt að það væri búið að samþykkja að þú værir stórhaus.

Villi í Köben var einu sinni settur út af sakramentinu sem stórhaus og kunni ekki að meta það. Varð að stórhaus aftur.

Annars eru þessi stórhausamál allundarleg og allt varðandi þau ætti auðvitað að vera uppá borðinu nú á þessum gagnsæistímum.

[Nanna Katrín Kristjánsdóttir, 21.5.2009 kl. 00:08]

HVað er stórhaus?

[Brjánn Guðjónsson, 21.5.2009 kl. 00:34]

ég hef aldrei séð mig í stórhausaflokknum.

ég vissi af þessu með Villa í Köben. las það á hans eigin bloggi að hann hafi rellað í stjórnendum blog.is um að fá að vera stórhaus. sem og varð.

Nanna, stórhausar eru þeir bloggarar sem eru í vínarbrauðsklúbbnum og komast í flokk hinna 8 stóru hausa á toppi blog.is. 8 fyrirsagnabloggarar.

[Nanna Katrín Kristjánsdóttir, 21.5.2009 kl. 00:44]

Já einmitt, velti þessu fyrir mér einhvern tíman fyrir löngu, hvers vegna sumir bloggarar væru þar. Hélt einmitt það væri vegna þess að þeir væru kannski frægir eða eitthvað.

Á þeim tíma var ég oft á top 1-5 yfir vinsælasta blog en aldrei þarna í "hausaflokknum" svo ég skrifaði blogg.is bréf og spurði hvað veldi og þeir sögðu að þessir bloggarar væru með ccs eða lifandi bókamerki eins og það er kallað á íslandi. Ég er með það líka en poppa aldrei þarna upp.

[Brjánn Guðjónsson, 21.5.2009 kl. 00:49]

nei, ég held að málið sé ekki svo flókið.

heldur hverjir veiti stjórnendum blog.is blástur og hverjir ekki.

[Sæmundur Bjarnason, 21.5.2009 kl. 00:49]

Róslín Alma á Höfn í Hornafirði spurði mig eitt sinn hvernig ætti að gerast stórhaus eða forsíðubloggari. Ég ráðlagði henni að rella í guðunum og það hefur hún sennilega gert. A.m.k. varð hún forsíðubloggari. Annars held ég að þessir blessaðir forsíðubloggarar fái ekkert nema kynninguna og hana takmarkaða stundum. Veit t.d. lítið hvernig birtingum er háttað. Fljótur er maður allavega að falla í ónáð ef maður bloggar ekki reglulega.

[Brjánn Guðjónsson, 21.5.2009 kl. 00:54]

tökum mig sem dæmi.

ég totta ekki stefnuskrá ákveðins stjórnmálaflokks. enda væri ég þá fastur penni á AMX.

ég er ekki að selja auglýsingar fyrir mbl.is

ég heiti hvorki Björn Bjarnason né Stefán Friðrik.

Að öðru leiti vísa ég í bloggið, hvað varðar ástæður.

[Sæmundur Bjarnason, 21.5.2009 kl. 00:55]

Nú er ég hissa. Tvö ný komment komu meðan ég var að skrifa mitt. Ég hef enga hugmynd um hvað ccs eða lifandi bókamerki eru sem Nanna talar um. Ekki heldur veit ég hvaða blástur Brjánn er að tala um. Þetta er allt að verða stórundarlegt.

[Brjánn Guðjónsson, 21.5.2009 kl. 01:00]

ég get sagt þér Nanna, að þetta með lifndi bókamerkið, eða hvað svo sem það heitir, er tómt tað.

[Nanna Katrín Kristjánsdóttir, 21.5.2009 kl. 01:04]

Sæmundur, ef þú skoðar blog.is þá sérðu að þessir hausar eru flestir með appelsínugult merki hjá sér, sem þýðir að þú getir verið einskonar áskrifandi að þeirra bloggi.

En það getur varla verið málið. Annars finnst mér bloggið vera komið út í svo mikla vitleysu oft og neikvæðni að mér getur varla verið meira sama hvort ég birtist þarna eða ekki.

[Sæmundur Bjarnason, 21.5.2009 kl. 01:43]

Nanna, þetta með að ccs, lifandi bókmerki, rss straumar eða eitthvað annað ráði því hverjir eru forsíðubloggarar á Moggablogginu held ég að sé tóm vitleysa. Það eru Moggabloggsguðirnir sem ráða því hverjir eru þar og engir aðrir eftir því sem ég best veit.

Það er líka hægt að gerast áskrifandi að hvaða bloggi sem er. Sjálfur tengist ég bæði Moggabloggum og öðrum í gegnum Google reader eins og Stakkhamarsstelpurnar bentu mér á fyrir margt löngu.

Öll þessi bloggmál eru einkennilega flókin þó þau ættu ekki að vera það. Mér finnst fésbókin líka vera óhemju flókin.

[Jenný Stefanía Jensdóttir, 21.5.2009 kl. 04:56]

Enga minnimáttarkennd hér herra Brjánn, 

less is more,

small is beutiful, ......

mundu það,

og ég hef oft tekið eftir þér með húfuna og í fallegu lopapeysunni á gandreið minni um bloggið, öðru hvoru.

[Jenný Stefanía Jensdóttir, 21.5.2009 kl. 05:00]

... er ekki og hef aldrei verið stórhaus, líklega vegna sömu niðurstaðna og þú kemst að það.

En veistu ......... I dont give the f........

[Brattur, 21.5.2009 kl. 11:13]

Mér finnst ekkert varið í vínarbrauð... má ég þá heldur biðja mjólkurkex... eigum við að stofna mjólkurkex klúbb ?

[Anna Einarsdóttir, 21.5.2009 kl. 11:57]

Það er allavega ljóst að bull kemur manni ekki á koppinn. 

.

Ég sendi einu sinni bréf á hæstráðendur bloggsins og benti á mann sem mér þykir mjög málefnalegur og spurði hvers vegna hann væri ekki stórhaus.

Svarið sem ég fékk var að hann bloggaði sjaldan við fréttir !  Sem er ekki rétt, auk þess sem sú regla virðist ekki gilda um aðra.

Málið er að þessi maður er gagnrýninn á sjálfstæðis og framsóknarmenn og það hugnast ekki "aðlinum".

.

Spurning að óska eftir sérstöku smáhausaplássi með minimynd..... fyrir þá sem blogga vitlaust ? 

[Sæmundur Bjarnason, 21.5.2009 kl. 14:29]

Já, það eru eigendur bloggsins sem ráða því hverjir verða stórhausar. Það þarf að blogga á þann hátt sem þeim líkar. Ég held að það séu samt ekki eingöngu stjórnmálaskoðanir sem ráða. Mörg önnur sjónarmið ráða líka eins og Brjánn hefur bent á. Svo held ég að það þurfi mikið til svo maður detti af listanum þegar maður er einu sinni kominn á hann. Eflaust hjálpar hann mörgum við að vera áfram ofarlega á vinsældalistanum án mikilla verðleika. Mér finnst að allir ættu að geta fengið upplýsingar um þetta.

[Sigurður Þór Guðjónsson, 21.5.2009 kl. 14:55]

Ég er hæst ánægður með að vera bara venjulegur þöngulhaus.

[Sæmundur Bjarnason, 21.5.2009 kl. 16:03]

Nei, Sigurður. Þú ert sko sannkallaður stórhaus og öðrum slíkum til eftirbreytni. Ég er til dæmis alltaf að reyna að apa eftir þér.

[Brjánn Guðjónsson, 21.5.2009 kl. 18:47]

alveg til í mjólkurkexklubbinn

annars er þetta stórhausamál ekki neitt hjartans mál mitt. velti þessu svolítið fyrir mér fyrir um ári, þegar ég var hvað duglegastur að blogga. rakst einmitt þá inn á raisblogg Köbenbúans yfir að hafa dottið út úr vínabrauðaklúbbi stórhausanna. svo bara rifjaðist þetta upp fyrir mér nú og því ákvað ég að tjá mig aðeins um fáránleika stórhausamálsins.