Framtíð blog.is

Um langt skeið hefur Moggabloggið, blog.is, verið vinsælt.

Vefurinn mbl.is er ekki sá íslenski fréttavefur sem er duglegastur að setja inn nýjar fréttir og oft birtast þar ekki fréttir sem aðrir miðlar birta, bæði vef- og ljósvakamiðlar. Kannski það muni breytast með tilkomu Bubba kóngs.

Það er mín trú að Moggabloggið hafi haldið vinsældatölunum uppi. Fólk getur varla verið að koma í tugþúsundatali að skoða statískan fréttavef.

Nú eru teikn á lofti. Bloggarar hafa rætt um í dag að hverfa annað.
Nú er það staðreynd. Þungavigtarbloggarar eru að leita annað. Hef fyrir því bæði staðfestar og aðrar óstaðfestar heimildir.

Þegar helstu þungaviktarbloggarar hafa horfið annað verður blog.is ekkert nema safn af einnarsetningar fréttabloggurum.

Ég vona bara að bloggsamfélag íslands sé ekki að líða undir lok. Í ljósi þess að helstu upplýsingar um spillingu hafa komið fram á blogginu er ég ekki hissa á að einhver hagsmunaöfl kjósi að svo verði.

Athugasemdir

[Jenný Anna Baldursdóttir, 25.9.2009 kl. 00:27]

Maður hugsar og hugsar.  Mér finnst eiginlega ekki góð tilhugsun að hverfa með skottið á milli lappanna þó það sjóði á mér.

Kannski verður manni hent út.  Það væri vont að missa af því.  Hehe.

[Brjánn Guðjónsson, 25.9.2009 kl. 00:29]

enginn hverfur með skott milli lappa, heldur með reisn

[Brjánn Guðjónsson, 25.9.2009 kl. 00:30]

ég skora á þig Jenný, eins og ég hef skorað á aðra, að fara annað

[Brjánn Guðjónsson, 25.9.2009 kl. 00:31]

fyri mér var nærtækast að leita til óvinins (hans Dabba) visir.is

[Anna Benkovic Mikaelsdóttir, 25.9.2009 kl. 03:22]

BESTU BLOGARAR MBL.IS ERU AÐ HÆTTA HVERJIR AF ÖÐRUM...ÁN ÞESS AÐ MÆLAST TIL UM ÞAÐ FYRIRFRAM!

[hilmar jónsson, 25.9.2009 kl. 14:28]

Hræddur um að flótti kraftmestu bloggaranna, sé óskastaða núverandi ritstjórnar.

[Brjánn Guðjónsson, 25.9.2009 kl. 19:34]

en það verður heldur leiðinleg lesning þegar hér verða einungis einnarsetningar- oh hallelújabloggarar

[Sigurður Þór Guðjónsson, 26.9.2009 kl. 11:53]

Hverjir eru þungavigtarbloggarar? Ég veit ekki um neinn sem mér finnst vera þungavigtarbloggari sem er að hætta nema þá vera skyldi þú.

[Brjánn Guðjónsson, 26.9.2009 kl. 19:38]

þú ert þungavigtarbloggari, Sigurður, þótt ég viti ekki til þess að þú sért að hætta.

[hilmar jónsson, 26.9.2009 kl. 20:09]

Er maður þá ekki fjaðurvigtari ?

[Brjánn Guðjónsson, 26.9.2009 kl. 20:37]

erum við ekki bara í fluguvigtinni?