Torino

Ég hef ekki nokkur áhuga á efni fréttarinnar. Mér er slétt sama um aldur og uppruna handklæða.

Hins vegar blöskrar mér oft vinnsla frétta. Bæði á mbl og annars staðar. Vísir er ekki skömminni skárri. Oftast er um málfars og/eða stafsetningavillur að ræða.

Það sem mér blöskrar í þessari frétt er að þegar ítalska borgin Torino er nefnd Tórínó, upp á íslensku, er látið fylgja með enska útgáfa heitis hennar, Turin. Veit sá er vann fréttina ekki að Tórino heitir Torino á frummálinu, en ekki Turin?

Eftirlíking líkklæðis Krists sannar að það sé falsað

Athugasemdir

[Eygló, 7.10.2009 kl. 00:52]

Ágæti þjáningabróðir gagnvart íslensku málfari í fjölmiðlum, - og víðar.

Þetta "Turin" innskot flokkast eiginlega undir fábjánahátt. Sennilega verið þýtt úr ensku.

Ég fetti aftur á móti ekki fingur út í íslensku stafsetninguna; Tórínó, kannski svolítið hallærislegt.  Skrifum við ekki - Berlín (ekki Berlin) - Osló (ekki Oslo) - Mexíkó (ekki Mexico)?  Getum við nokkuð sæst á það?  : )

[Brjánn Guðjónsson, 7.10.2009 kl. 17:38]

ég er eiginlega svolítið klofinn í afstöðu minni til íslenskunar sérnafna. finnst það í aðra röndina í lagi, þar sem maður er t.d. vanur íslenskum heitum landa og borga. á hinn bóginn finnst mér ekki rétt að gera það, t.d. með mannanöfn.

[Eygló, 7.10.2009 kl. 22:07]

Sammála, það má helst ekki snerta við mannanöfn... nema dauðans nauðsyn beri til... t.d. að enginn getir borið fram eða skrifað nafnið.

Sbr. Steingrímur í enskumælandi löndum neyðist til að segjast heita Stein /Stæn

og sömuleiðis Hreggviður gæti neyðst til að kalla sig Rug(g) eða Reck.

Svo, svipað og þú segir með staðarnöfnin. Þar sem á annað borð er búið að íslenska ógrynni þeirra, kynni maður ekki við þau öðruvísi. Ég færi á límingunum ef ég þyrfti að nota Venís í stað Feneyja (eins og það er nú skondin (þýðing)) eða Nýja Jórvík/Nýja Jork  eins og gert er í spænsku;  Nueva York.