„Þetta er rangur misskilningur“

Sagði svíinn í kvikmyndinni „Stella í orlofi.“

Ég geri orð hans að mínum.

Vitanlega er með þennan titil eins og staðbundna bandaríska heimsmeistaratitla.

Ég gæti alveg haldið heimsmeistaramót í Minesweeper, heima hjá mér. Tekið einn þátt og lýst mig heimsmeistara. Efast þó um að það gerði mig að raunverulegum heimsmeistara. Eins er með fegurðarsamkeppnir eins og þessa.

Víst er hún snotur, snótin sem vann. Þó veit ég um aðra sem ber af öllum öðrum. Bæði í innri og ytri fegurð. Kærleika og klárleika.

Já og hún situr hér rétt hjá mér, þessi elska.

Auðvitað er ég að tala um dóttur mína. Efaðist nokkur um það?

Guðrún Dögg valin Ungfrú Ísland

Herpingur Kópahrepps

Mikið er nú rætt um mál oddvita Kópahrepps. Bæði úti í þjóðfélaginu sem og meðal innmúraðra. Innmúrarafundur var haldinn um málið í dag og þurftu jafnvel margir innmúraðra að slaufa frímúrarafundi vegna þess. Telja margir að um allsherjar pólitískan herping sé að ræða.

Mál manna er að oddvitinn hafi dælt fúlgum fjár í fyrirtæki dóttur sinnar, Sjálfsmiðlunar, úr hreppssjóðnum, án tilefnis.

En er það allskostar rétt?

Fyrir liggur að umrætt fyrirtæki dótturinnar hafi fengið u.þ.b. fimmtíu milljónir hruninna króna á tíu ára tímabili. Það gera u.þ.b. fimm milljónir verðlausra Matadorpeninga á ári, að jafnaði. Upphæðirnar eru sagðar hafa verið greiddar fyrir ýmis verk sem farið var í án útboða. Jafnvel fyrir einkafyrirtækið Klæðskiptinga, sem er í eigu oddvitans sjálfs.

Þegar oddvitinn var spurður út í málið sagði hann þetta misskilning. Hann hafi talið að ekki þyrfti útboð, heldur einungis framboð. Hann hafi margoft farið í framboð og hefði því talið sig í rétti að ganga frá samningum.

Hverjir eru svo hinir umdeildu samningar?

Árið 2007 var samið um að ljósrita bækling í þremur eintökum. Kostnaður 380.403 þorskígildi.

Árið 2003 var samið um að semja samning um samkomulag samningsaðila. Kostnaður við túlkun orðalags var 12.456.107 ríkisdalir.

Árið 2000 var samið um skipulagningu útboða sem aldrei áttu að fara fram. Kostnaður, 31.627.001 spesíur.

Samanlagt gera þetta u.þ.b. 50.103.400 verðlitlar krónur miðað við gengisskrá Bjargræðasjóðs klukkan 15:41, að staðartíma, dagsins 20.05.2009.

Af ljósritunum þremur er skila átti árið 2007 bárust einungis tvö. Skýringuna segir oddvitinn vera þá að tónerinn hafi klárast hjá þeim hjá Sjálfsmiðlun og ekkert hægt að gera, enda hafi það gerst á laugardagskvöldi.

Varðandi verkefni frá árinu 2003 vill oddvitinn taka fram að ekkert samkomulag hafi náðst meðal samstarfsaðila um samningsdrögin og því einsýnt að samkomulag um samningsgerð við Sjálfsmiðlun yrði samkvæmt samkomulagi.

Hvað varðar útboðin frá 2000 segir oddvitinn að þar hafi allt farið fram samkvæmt áætlun. Aldrei hafi staðið til að bjóða út eitt eða neitt og leggur hann áherslu á að einmitt þannig hafi náðst gífurleg hagræðing varðandi útboðið. Gerð útboðsgagna hafi þó, lögum samkvæmt, verið skilyrði.

Sjálfhildur Oddvitadóttir, framkvæmdastjóri Sjálfsmiðlunar, vildi ekki veita Bergmálstíðindum viðtal vegna málsins.

Smáuglýsingar - Einkamál

Karlmaður um þrítugt óskar eftir kynnum við konu á svipuðum aldri. Hefur gaman að ferðalögum og útivist. Er barnlaus. Munnmök engin fyrirstaða. Áhugasamar sendi bréf til afgreiðslu Bergmálstíðinda, merkt „Blástur-2009“

Munnmök engin fyrirstaða

Bill Headroom

Nú hefur verið gert lýðnum ljóst að Bill Clionton muni taka við hlutverki skemmtikraftsins Max Headroom, sem gerði garðinn frægan um 1987 eða svo.

Bill hefur þegar æft sig í stami og hiksti, eins og hverri Headroom fígúru er skylt.

Hans aðal setning mun þá og þegar vera „I did not have sex, sex, sex, sex, with that person.“

Clinton fær nýtt hlutverk

Góðir Íslendingar

Nú standa yfir umræður á Alþingi.

Þar hefur bindisskyldan verið afnumin, farsællega. Þó eru aðrar hefðir enn við lýði. S.s. að óbreyttir þingmenn eru einungis hálfdrættingar miðað við ráðherra. Háttvirtir meðan ráðherrar eru hæstvirtir. Frekar glatað á löggjafasamkundunni að embættismenn framkvæmdavaldsins skuli vera ofar í virðingarstiganum en þjóðkjörnir fulltrúar löggjafasamkundunnar, sem á að heita æðsta valdið. Ráðherraræðið krystallast í þessum mismunandi ávörpum.

Fyrir utan ávörpin háttvirtur og hæstvirtur eru tvenn ávörp önnur klassísk og ofnotuð. Góðir Íslendingar og góðir landsmenn.

 

Júróhomm

Ég dreg ekki úr aðdáun minni á söngkonunni Jóhönnu Guðrúnu. Sem barn hafði hún ótrúlega þroskaða rödd. Nú, mörgum árum síðar, hefur stelpan enn þroskaðari rödd. Ég segi það enn og aftur að hún syngur sem engill. Hvílík gjöf sem hún fékk og kann sannarlega að nota.

Að vanda var fagnað með Pallanum á Nösu í gær. Þvílíkt gaman og klukkan var 4:30 þegar gamli skrölti heim, eftir að hafa dansað af sér rassgatið í fjóra tíma.

Nú ætla Reykvíkingar og vonandi sem flestir aðrir, að fagna Jóhönnu á Austurvelli. Þó það nú væri. Hafi einhverntímann verið tilefni fyrir íslendinga að fagna, undanfarið, er það nú. Fagna þessum glæsilega fulltrúa okkar, sem skilaði sínu óaðfinnanlega. Hefðu norsarar spilað fram Jan Teigen hefðum við malað þetta.

Aftur að homminu. Fór á Nösu í gær hvað var hrein snilld og ógó gaman. En homm er ekki allt. Yohanna er t.d. ekki hommi en röddinn hennar....vá!

Verð að setja inn gamalt hommúnískt lag fyrst talað er um júró.

Homm on!

Moskvufarar komnir

Hví er það svona?

Fá ég kransæðastíflu er mér komið beinustu leið á sjúkrahús, til að hlynningar.

Hljóti ég beinbrot get ég farið á slysó og fengið aðhlynningu.

En fái ég tannpínu þarf ég að panta tíma á einka-tannlæknastofu úti í bæ. Hvenær ég fæ svo tíma fer eftir því hvenær umræddur tannlæknir á lausan tíma.

Hví er ekki bráðatannlæknaþjónusta á ríkisspítulunum, eins og önnur bráðaþjónusta?

Sofna ekki án verkjalyfja

Homm

Nú er júró yfirstaðið, með frábærum árangri okkar fulltrúa. Nú er bara að skella sér í bæinn.

Ekkert annað en Pallinn á Nasa kemur til greina á svona kvöldi. Nú verður haft í frammi tónlistarlegt homm.

Horfði með vinkonu minni á glæstan árangur Jóhönnunnar okkar í kvöld. Nú ætlum við bæði að hommast feitt á Nasa.

 

Homm on! Aftur.

€urovision

Þá er það komið á hreint að Tímon hinn norski vann

Þegar ég frétti að hann hefði sjálfur samið lagið óx hann margfalt í áliti hjá mér. Hann er vel að rótburstinu kominn. Hann tók keppni ársins í nefið.

Jóhanna okkar landaði öðru sæti. Reyndar vel fyrir neðan Tímon, í stigum, en annað sætið þó.

Norðmenn áttu skemmtilegasta og mest öðruvísi lagið og þess vegna unnu þeir. Íslendingar áttu sæmilegt lag, en fullkomna söngkonu, sem landaði öðru sætinu. Það er fyst og fremst fegurð raddar hennar að þakka, já og hennar sjálfrar og það var aldrei ótti um að hún syngi feilnótu. Stelpan hefur þetta algerlega í hendi sér.

Ég vona svo innilega að þetta verði Jóhönnu til framdráttar, enda er hér um að ræða söngkonu á heimsmælikvarða.

Jóhanna rokkar.

Hommúnismi

Var að horfa á Pallann í Kastljósinu. Kagglinn mætti í glimmergalla, nema hvað og með krystalskúlu.

Sem betur fer hef ég þroskast með árunum. Fyrir 18 árum var ég haldinn svo mikilli hómófóbíu að eitt sinn þegar ég var á djamminu með vinum mínum og þeir fóru inn á 22, fór ég heim. Ætlaði sko ekki inn á einhvern andskotans hommastað.

Síðan eru liðin mörg ár.

Ég á góðan vin, til margra ára. Fyrir fáum árum síðan sagði hann mér að hann væri hommi. Við djömmuðum mikið saman í den og fyrir kemur að við kíkjum út saman í dag. Oftar en ekki endum við núorðið á einhverjum hommabarnum.

Kynlöngun okkar er alveg skýr:

Ég er straight og hann laðast að allt öðruvísi týpum en mér. Því er það ekkert að þvælast fyrir okkur. Engar langanir eða vesen. Mér þykir mjög vænt um þennan vin minn sem ég hef þekkt í aldarfjórðung.

Svo á ég annan góðan vin sem þjáist sárlega af hómófóbíu. Hann er sameiginlegur vinur míns og hommanns. Kíkti út með honum um daginn og gerði þá að leik mínum að rella í honum að koma á Qbar (hommastað) þar til hann ákvað að fara heim að sofa. Það var snilldarmóment, en það er útútdúr.

Ég hef lengi sagt að ég sé tónlistarlega gay, þar sem ég fíla danstónlist meir en annað. En það er annarskonar gey-ismi.

Eins og áður sagði endum við homminn oft á hommabörum. Hví skyldi ég láta draga mig þangað?

1) Ef ég er ekki á neinu kerlingastandi skiptir minnstu hvert er farið.
2) Hommabarir eru lausir við sterafulla ofbeldismenn sem halda að skemmtun snúist um fæting.
3) Ég fíla tónlistina sem spiluð er.

Ég ætla klárlega á €uropallaball á morgun. Palli er eðal diskótekari.

 

Homm on!